Jeremaea 12:11 - Pijin Bible

¹¹ Bae olketa mekem disfala lan blong mi wea no enisamting save grou long hem. Hemi kamap emti nomoa, an hemi olsem lan wea hemi kraeaot long mi. Ya, olketa enemi i spoelem lan blong mi an no eniwan hemi sore long hem.

Pijin Deuterocanon

¹¹ Bae olketa mekem disfala lan blong mi wea no enisamting save grou long hem. Hemi kamap emti nomoa, an hemi olsem lan wea hemi kraeaot long mi. Ya, olketa enemi i spoelem lan blong mi an no eniwan hemi sore long hem.

Jeremaea 12:11 Iomraidhean Croise

Eklesiastes 7:2

Yumi mas tingabaotem wei wea evriwan bae kasem taem fo dae, dastawe hemi moabeta fo yu go long haos wea pipol i krae long man dae, winim yu go long haos wea olketa garem fist long hem.

Aesaea 42:25

Hemi barava kros tumas long yumi. Dastawe nao hemi panisim yumi, an hemi mekem yumi fo safa tumas long taem blong faet. Kros blong hem fo yumi hemi bikfala tumas olsem wanfala bikfala faea wea hemi save bonem evri ples long Israel. Bat nomata olsem, yufala nating save nomoa long wanem hemi kasem yumi, an yumi nating minim nomoa enisamting long hem.

Aesaea 57:1

Long disfala taem, olketa stretfala pipol i dae, bat no eniwan long olketa nogud pipol hemi luksave o wari nomoa. Ya, Yawe hemi tekemaot olketa pipol hu i tinghevi long hem. Bat no eniwan nomoa hemi luksave dat Yawe nao hemi tekemaot olketa ya, mekem no eni bikfala trabol moa save kasem olketa.

Jeremaea 10:22

!Lisin kam! Nius hemi kam. Noes blong bikfala ami hemi kamaot long not. Bae olketa spoelem olketa taon long Jiuda, mekem olketa kamap emti olsem drae eria, wea hemi ples blong olketa wael dog nomoa.

Jeremaea 10:25

Somaot kros blong yu long olketa blong narafala kantri hu i no tinghae long yu, an hu i no save prea kam long yu. Bikos olketa ya i spoelem finis mifala long laen blong Jekob, an olketa spoelem tu disfala lan wea mifala stap long hem.

Jeremaea 14:2

“Evriwea long Jiuda, olketa pipol i sore an krae. Olketa pipol long olketa taon i wikdaon. Olketa sore fogud fo drae graon blong olketa. Olketa long Jerusalem i gohed fo krae kam long mi.

Jeremaea 19:8

Bae mi spoelem disfala taon finis, mekem evri pipol hu i lukim bae i tokspoelem hem. Olketa hu i gopas long hem, bae i seke fogud an toknogud long hem.

Jeremaea 23:10

Disfala lan hemi fulap long olketa hu i no save tinghevi long Yawe, olsem man hu hemi brekem lo blong marit. Yawe hemi mekem trabol fo kam long lan, mekem no enisamting save grou nao. Olketa ples wea hemi bin garem gras long hem, hemi barava drae. Olketa profet ya i falom ravis wei nomoa, an olketa gohed fo yusim paoa blong olketa long wei wea hemi no stret.

Jeremaea 25:11

Evrisamting long lan ya bae hemi kamap nogud tumas. An olketa blong Jiuda wetem olketa narafala kantri wea i stap raonem, bae olketa mas waka fo disfala king blong Babilonia fo seventi yia.

Jeremaea 4:20

Taem wanfala bikfala trabol hemi jes kasem olketa long lan ya, narafala bikfala trabol moa hemi kam bihaen fo kasem olketa. Olketa enemi i barava spoelem finis olketa samting long lan ya. Olketa brekem olketa haostent blong mifala wetem kaleko blong olketa haostent long olketa smolfala pisis.

Jeremaea 4:27

Hem nao Yawe hemi tok olsem, “Nomata mi no spoelem disfala lan finis, bat bae hemi kamap emti, wea no eniwan hemi stap long hem.

Jeremaea 4:28

Bae evrisamting long disfala wol hemi krae, an bae skae ya hemi kamap tudak. Bikos hem nao toktok blong mi an plan blong mi, wea bae mi no save sensim moa tingting blong mi.”

Jeremaea 6:8

!Olketa pipol blong Jerusalem! !Lisin kam long woning blong mi! Nogud mi lusim yufala an mekem taon blong yufala ya i kamap olsem drae eria, wea no eniwan nao save stap long hem.”

Jeremaea 9:10

Bae mi sore long olketa maonten, an mi krae fo olketa open eria wea hemi bin garem gras long hem, bikos olketa evriwan i drae finis, an hemi emti fogud. No eniwan hemi gotru long olketa ples ya. No eni buluka hemi stap long hem, An evri bed an evri wael animol tu i lus finis.

Jeremaea 9:11

Yawe hemi tok olsem, “Bae mi spoelem Jerusalem finis, mekem hemi kamap hip blong olketa ston nomoa, wea olketa wael dog nomoa i stap long hem. An olketa taon blong Jiuda, bae mi mekem olketa kamap olsem drae eria, wea no eniwan save stap long hem.”

Jeremaea 9:9

“!Olketa! ?Waswe, yufala tingse bae mi no save panisim yufala fo olketa ravis samting ya? Nomoa ya, mi mas panisim diskaen pipol olsem yufala.” Hem nao mesij blong Yawe.

Joel 1:10

Hemi olsem wea graon tu hemi gohed fo sore an krae, bikos olketa gaden i barava nogud tumas nao. Olketa wit, an olketa grep tri, an olketa oliv tri, olketa evriwan i dae nao.

Levitikas 26:32

Bae mi spoelem lan blong yufala, go-go olketa enemi blong yufala wea i kam fo stap long lan ya bae i seke fogud long wanem mi mekem long hem.

Sekaraea 7:5

?Sekaraea. Yu mas askem olketa prist an olketa pipol blong disfala lan olsem: Long las seventi yia, long mekfaev mans blong evri yia, an long mekseven mans tu, yufala bin gohed fo stop fo no kaikai an fo sore an krae. ?Waswe, yufala bin gohed fo duim olsem fo mekhae long mi? Nomoa.

Malakae 2:2

Sapos yufala no obeim mi o tinghevi fo mekhae long nem blong mi, bae mi mekem trabol fo kasem yufala an fo kasem gudfala laef wea yufala prist i garem. Ya, mi duim finis long yufala, bikos yufala nating tinghevi fo mekhae long nem blong mi.

Leta wea Pol hemi raetem go long sios long Rom 8:22

Yumi save, kam kasem distaem, evrisamting God hemi bin mekem, olketa kraeaot bikfala from olketa pein tumas, olsem woman wea hemi kolsap fo bonem pikinini.