Jeremaea 10:18 - Pijin Bible

¹⁸ Hem nao Yawe hemi tok olsem, “Long disfala taem, bae mi torowem goaot olketa hu i stap long lan ya. Bae mi letem trabol fo kasem olketa, mekem olketa barava filim disfala panis.”

Pijin Deuterocanon

¹⁸ Hem nao Yawe hemi tok olsem, “Long disfala taem, bae mi torowem goaot olketa hu i stap long lan ya. Bae mi letem trabol fo kasem olketa, mekem olketa barava filim disfala panis.”

Jeremaea 10:18 Iomraidhean Croise

Aesaea 22:17

!Yu lukaot! Nomata yu wanfala bikman, bat yu mas kea-kea bikos mi Yawe bae mi holem yu an torowem yu aot.

Jeremaea 16:13

From samting ya nao, bae mi torowem yufala goaot from disfala lan, mekem yufala go stap long narafala kantri wea yufala wetem olketa grani blong yufala bifoa, i no save long hem. An long ples ya, long de an long naet, bae olketa fosim yufala fo mekem wosip long olketa narafala god, an bae mi no sore long yufala.’”

Jeremaea 22:26

Bae mi fosim yu wetem mami blong yu hu hemi wanfala kuin fo go long kantri blong olketa, wea yutufala i no bon long hem, an bae yutufala dae long ples ya.

Jeremaea 23:20

Bae mi gohed fo kros go-go kasem taem wea mi finisim nao evrisamting wea mi laek fo duim. An bihaen, taem bae hemi kam wea yufala minimgud evrisamting ya.

Esikiel 6:10

Bat bae olketa savegud dat mi nao Yawe. An olketa woning wea mi talem long olketa abaotem bikfala trabol wea bae hemi kasem olketa, mi no toktok nating ya, bat bae mi mekem hemi hapen.’”

Sefenaea 1:17

Yawe hemi tok olsem, ?Bikos olketa sin agensim mi Yawe, bae mi mekem bikfala trabol fo kasem olketa pipol, an trabol ya bae hemi mekem olketa evriwan fo wakabaot olsem blaen pipol. Blad blong olketa bae hemi kamaot olsem wata nating. An bele blong olketa bae hemi kamaot olsem ravis samting nomoa.?

Sekaraea 1:6

Bat olketa toktok an olketa woning wea mi talem olketa profet ya hu i wakaman blong mi bifoa, fo talemaot long olketa grani blong yufala, olketa les fo lisin long toktok ya. An from samting ya, mi bin panisim olketa. ?Den olketa lusim olketa ravis wei ya blong olketa, an olketa tok olsem, ?Yawe hu hemi garem evri paoa, hemi stret nomoa fo hemi panisim yumi from olketa ravis wei blong yumi. Olketa samting ya, hemi planem finis olsem bae hemi mas hapen, an olketa hapen finis olsem wea hemi talem.??

Diutronomi 28:52

Olketa enemi bae i kam faet agensim olketa taon long disfala lan blong yufala. An bae olketa save brekemdaon olketa bikfala wolston blong olketa taon ya wea yufala trastem olketa fo gadem yufala long lan wea Yawe hemi givim long yufala.

1 Samuel 25:29

Nomata eniwan hemi ronem yu fo kilim yu dae, Yawe save kipim yu sef olsem man wea hemi lukaftarem olketa gudfala samting blong hem. Bat bae hemi torowem olketa enemi blong yu olsem man hemi slingim ston.