Jenesis 9:3 - Pijin Bible

³ Fastaem, mi givim olketa samting long gaden nomoa long yufala fo yufala kaikaim, bat stat distaem, mi givim olketa animol an bed an fis ya tu long yufala, mekem olketa nao olsem mit blong yufala fo kaikaim.

Pijin Deuterocanon

³ Fastaem, mi givim olketa samting long gaden nomoa long yufala fo yufala kaikaim, bat stat distaem, mi givim olketa animol an bed an fis ya tu long yufala, mekem olketa nao olsem mit blong yufala fo kaikaim.

Jenesis 9:3 Iomraidhean Croise

Jenesis 9:2

Evri animol blong wol ya, wetem evri bed an evri fis bae olketa fraet long yufala. An evrisamting ya olketa stap long han blong yufala.

Levitikas 22:8

Olketa prist i no save kaikaim mit blong animol wea hemi dae seleva, o wea wael animol hemi kilim dae, bikos datfala mit hemi mekem hem fo no klin long ae blong mi. Mi nao Yawe.

Leta wea Pol hemi raetem go long sios long Rom 14:14

From mi joen wetem Masta blong yumi Jisas, mi barava save dat no eni kaikai hemi nogud. Bat sapos eniwan hemi tingse samfala kaen kaikai hemi save mekem hem fo no klin, hemi mas no kaikaim samting ya.

Leta wea Pol hemi raetem go long sios long Rom 14:17

Bikos kaikai an dring, hemi no blong kingdom blong God. Bat olketa samting wea Holi Spirit hemi duim, hem nao blong disfala laef ya. Olsem, Holi Spirit hemi helpem yumi fo duim wanem hemi stret long ae blong God an fo stap long piis an fo hapi.

Leta wea Pol hemi raetem go long sios long Rom 14:20

Yufala mas no letem kaikai blong yufala fo spoelem waka blong God. Evri kaikai, olketa gud fo kaikaim nomoa. Bat hemi nogud sapos yufala kaikaim samting wea hemi save mekem eniwan fo foldaon long sin.

Leta wea Pol hemi raetem go long sios long Rom 14:3

Man hu hemi save kaikaim enikaen kaikai, hemi mas no lukdaon long man hu hemi no save kaikaim mit. An man hu hemi no save kaikaim mit, hemi mas no jajem man hu hemi save kaikaim enikaen kaikai, bikos God hemi hapi long hem.

1 Korin 10:23

Nao hemi tru ya, “Yumi fri fo duim enisamting nomoa.” Bat i no evrisamting nao wea hemi save helpem yumi. “Yumi fri fo duim enisamting nomoa,” bat i no evrisamting nao wea hemi save mekem yumi kamap strong.

1 Korin 10:31

Hemi olsem ya, nomata yufala sidaon fo kaikai o yufala dring o yufala duim eni narasamting moa, yufala mas duim evrisamting long wei wea yufala mekhae long God.

Diutronomi 12:15

“Bat taem yufala wande fo kilim dae eni animol fo kaikaim, yufala save kilim dae long ples wea yufala stap long hem. Sapos Yawe, God blong yufala, hemi givim plande animol long yufala, yufala save kaikaim mit blong olketa long sem wei wea yufala save kaikaim mit blong olketa wael animol long bus. Yufala evriwan i save kaikaim diskaen mit ya, nomata yufala klin long ae blong Yawe o yufala no klin, bikos hemi no mit blong sakrifaes.

Kolosi 2:16

From olketa samting ya, yufala mas no letem eniwan fo jajem yufala long eni rul abaotem kaikai an dring o eni rul abaotem Sabat o Fist blong Niumun o eni nara bikde moa.