Jenesis 9:25 - Pijin Bible

²⁵ nao hemi tokstrong olsem long hem, “Kenan ya wetem olketa long laen blong hem, bae trabol hemi kasem olketa, an bae olketa kamap slev long olketa laen blong tufala brata blong hem.

Pijin Deuterocanon

²⁵ nao hemi tokstrong olsem long hem, “Kenan ya wetem olketa long laen blong hem, bae trabol hemi kasem olketa, an bae olketa kamap slev long olketa laen blong tufala brata blong hem.

Jenesis 9:25 Iomraidhean Croise

Jenesis 3:14

Nao Yawe God hemi tok olsem long snek ya, “Bikos yu duim disfala samting ya, bae trabol hemi kasem yu. Long evri animol, yu nomoa bae yu garem disfala trabol ya. Hemi stat distaem, bae yu gohed fo krol long bele blong yu, an bae yu gohed fo kaikai long dast blong graon oltaem nomoa, go-go laef blong yu hemi finis.

Jenesis 4:11

!Taem yu kilim dae brata blong yu ya, blad blong hem hemi ran go daon long graon an graon ya hemi open fo tekem blad blong hem, an from samting ya, bae trabol hemi mas kasem yu. Taem yu wakem gaden blong yu bae hemi no save garem kaikai. Distaem, yu no garem eni ples moa long disfala wol ya, oltaem long laef blong yu, bae yu mas gohed fo wakabaot olobaot nomoa.”

Jenesis 49:7

Letem God hemi panisim yutufala from kros ya blong yutufala wea hemi gohed fo kamap strong tumas, an long wei wea yutufala laek fo mekem olketa pipol safa tumas. Bae mi divaedem olketa wea bae i bon kam bihaen long yutufala fo stap olobaot long midol long olketa narafala pipol wea bae i bon kam bihaen long mi.

Jenesis 9:18

Trifala pikinini blong Noa wea i kamaot wetem hem long bikfala sip ya, nem blong trifala nao, Siem, an Ham an Jafet. Ham ya, hemi bonem Kenan,

Jenesis 9:22

Nao taem Ham hemi lukim dat dadi blong hem hemi gohed fo slip neket olsem, hemi goaot an talem tufala brata blong hem.

Jenesis 9:24

Nao taem Noa hemi wekap moa, hemi herem nius long samting ya wea lasbon blong hem hemi bin duim long hem,

Matiu 25:41

“Bihaen moa, bae mi tok olsem long olketa pipol hu olketa stap long lefsaet blong mi, ‘Yufala wea God bae hemi panisim yufala, yufala goawe from mi. Ples blong yufala nao hemi longwe insaet long faea wea hemi no save finis ya, wea God hemi mekredi fo Seitan an olketa enjel blong hem.

Gudnius abaotem Jisas Kraes wea Jon hemi raetem 8:34

Jisas hemi tok olsem long olketa moa, “Mi talem yufala tru samting nao, evriwan hu i falom rong wei, hemi barava slev blong disfala rong wei blong hem ya.

Diutronomi 27:16

“Trabol bae kasem eniwan hu hemi no tinghae long dadi an mami blong hem, Yawe bae hemi givim panis long hem.’ “An olketa pipol mas ansa olsem, ‘!Hem tru ya!’

Diutronomi 28:18

“Bae yufala no garem pikinini. An bae olketa gaden blong yufala i no garem kaikai. An bae olketa animol blong yufala i no garem pikinini tu.

Josua 9:23

God hemi jajem yufala finis bikos yufala laea tumas olsem. Bae yufala evriwan i kamap slev blong mifala olowe nao, an bae waka blong yufala nao fo katem faeawud an fo karim wata fo Haostent blong God blong mifala.”

Josua 9:27

Bat hemi mekem olketa blong Gibeon fo kamap slev blong olketa, wea waka blong olketa nao fo katem faeawud an karim wata fo olketa an wata fo olta blong Yawe tu. Ka-kam kasem tude, olketa gohed nomoa fo duim disfala waka long ples wea Yawe hemi siusim fo olketa pipol blong hem fo wosipim hem.