Jenesis 9:11 - Pijin Bible

¹¹ Mi mekem disfala spesol promis wetem yufala olsem. Bae mi no sendem moa bikfala wata olsem fo kambaek draonem yufala fo dae. Bae bikfala wata olsem ya hemi no spoelem moa wol ya.”

Pijin Deuterocanon

¹¹ Mi mekem disfala spesol promis wetem yufala olsem. Bae mi no sendem moa bikfala wata olsem fo kambaek draonem yufala fo dae. Bae bikfala wata olsem ya hemi no spoelem moa wol ya.”

Jenesis 9:11 Iomraidhean Croise

Jenesis 9:10

an long olketa bed an olketa animol an olketa narafala samting wea i garem laef wea i stap wetem yufala long sip ya.

Jenesis 9:15

bae mi tingim spesol promis blong mi ya, wea mi mekem wetem yufala an evrisamting wea i laef. Bae mi no spoelem moa laef blong yufala long bikfala wata olsem ya.

Stori abaotem Job 11:16

An bae yu save fogetem olketa trabol blong yu. Ya, bae yu tingim nomoa trabol ya olsem flad wea hemi finis.

Aesaea 54:9

“Long datfala taem blong Noa, mi bin mekem wanfala strongfala promis wea bae mi no draonem moa disfala wol long wata. Long sem wei tu, mi promis distaem fo no barava kros moa long yufala olsem. Ya, bae mi no hatem yufala tumas olsem, an bae mi no panisim yufala tumas olsem.

2 Pita 3:11

Bikos evrisamting bae hemi nogud finis olsem, yufala mas tingting gud abaotem laef blong yufala. Yufala mas stap holi an gohed nomoa long stretfala laef wea God hemi laekem.

2 Pita 3:7

An from disfala toktok blong God tu, disfala skae an graon wea i stap distaem, tufala bae weit nomoa fo faea hemi kam an bonem tufala. Skae an graon bae weit go-go kasem taem wea God hemi jajem evri pipol an bae hemi spoelem olketa hu i no save obeim hem.