Jenesis 8:22 - Pijin Bible

²² “Distaem, long wol ya, hemi garem taem fo plantem gaden, an hemi garem taem fo tekemaot frut long hem. Hemi garem taem fo tukol, an hemi garem taem fo tuhot. Hemi garem taem wea lif hemi foldaon, an hemi garem taem wea lif hemi grou moa. Hemi garem taem blong de, an hemi garem taem blong naet. An olketa samting ya, bae olketa no save finis, go-go kasem en blong wol.”

Pijin Deuterocanon

²² “Distaem, long wol ya, hemi garem taem fo plantem gaden, an hemi garem taem fo tekemaot frut long hem. Hemi garem taem fo tukol, an hemi garem taem fo tuhot. Hemi garem taem wea lif hemi foldaon, an hemi garem taem wea lif hemi grou moa. Hemi garem taem blong de, an hemi garem taem blong naet. An olketa samting ya, bae olketa no save finis, go-go kasem en blong wol.”

Jenesis 8:22 Iomraidhean Croise

Jenesis 45:6

Hem nao hemi mektu yia nomoa long hadtaem ya wea bae no eni kaikai save grou long hia. Bat faefala yia hemi stap yet ya, wea olketa pipol bae i no save mekem gaden, an olketa no save tekem kaikai long gaden.

Eksodas 34:21

“Yufala garem siksfala de fo duim olketa waka blong yufala, bat long mekseven de yufala mas res long hem. Nomata long taem blong plantem gaden, o taem blong tekemaot kaikai long gaden, yufala evriwan mas res long de ya.

Jeremaea 31:35

God, hu hemi putum san fo laet long de, an hemi putum mun an olketa sta fo saen long naet, an hu hemi garem paoa fo mekem solwata hemi kamap raf tumas an mekem bikfala noes, nem blong disfala God nao: Yawe hu hemi garem evri paoa. Yawe nao hemi tok olsem,

Jeremaea 5:24

Nomata mi sendem kam ren long taem fo plantem gaden, an long taem wea olketa kaikai i gohed fo grou, mi nomoa mekem olketa kaikai fo raep mekem yufala save kaikaim, bat yufala no save mekhae long mi hu mi God blong yufala.

Jemes 5:7

Olketa Kristin fren, yufala mas wiling fo weit, go-go Masta blong yumi hemi kambaek moa. Yufala save, taem man hemi wakem gaden finis, hemi gohed nomoa fo weitem taem blong ren an taem kaikai hemi redi.