Jenesis 7:12 - Pijin Bible

¹² An ren ya hemi gohed go-go-go kasem foti de an foti naet.

Pijin Deuterocanon

¹² An ren ya hemi gohed go-go-go kasem foti de an foti naet.

Jenesis 7:12 Iomraidhean Croise

Jenesis 7:17

Nao, wata ya hemi gohed fo ka-kamap bikfala moa, an hemi gohed fo kavaremap graon ya, go-go kasem foti de. An taem wata ya hemi kamap fulap long ples wea sip ya hemi stap long hem, hemi liftimap sip ya, an sip ya hemi gohed fo flot go nao.

Jenesis 7:4

Distaem sevenfala de nomoa hemi stap, nao bae mi mekem bikfala ren fo kam. An bae hemi ren long foti de an foti naet, an bae mi spoelem fogud olketa man wetem olketa narafala samting wea mi bin mekem long wol ya.”

Jenesis 8:2

Hemi satem olketa hol blong wata insaet long graon, mekem wata hemi no kamaot moa, an hemi finisim bikfala ren ya nao.

1 Kings 19:8

So hemi getap, an hemi kaikai an dring. An kaikai ya hemi mekem hem strong fo wakabaot fo foti de, go-go hemi kasem maonten long Saenae wea hemi maonten blong God.

Eksodas 24:18

Nao Mosis hemi go antap moa long maonten ya, an hemi go insaet long klaod ya, an hemi stap long datfala ples fo fotifala de an fotifala naet.

Matiu 4:2

Jisas hemi stop fo no kaikai fo fotifala de an fotifala naet, an bihaen ya, hemi hanggre fogud nao.

Diutronomi 10:10

Mosis hemi tok moa olsem, “Long mektu taem, mi stap long maonten ya moa fotifala de an fotifala naet, olsem wea mi duim fastaem. An Yawe hemi herem prea blong mi long datfala taem, so hemi no kilim yufala dae.

Diutronomi 9:18

Den mi godaon long graon fo prea long ae blong Yawe moa. Mi stap olsem go-go kasem foti de an foti naet, an mi no kaikai an mi no dringim wata. Mi duim olsem bikos yufala bin sin agensim Yawe go-go hemi barava kros tumas.

Diutronomi 9:9

Long datfala taem, mi go antap long maonten ya fo tekem tufala flat ston wea i garem lo blong agrimen wea Yawe hemi mekem wetem yufala. Nao mi stap long maonten ya long foti de an foti naet, an long datfala taem, mi no kaikai an mi no dringim wata.

2 Pita 3:6

Bifoa, hemi yusim wata ya fo spoelem disfala wol taem hemi mekem wata fo kamap hae an kavaremap disfala graon.