Jenesis 7:11 - Pijin Bible

¹¹ Nao long disfala yia wea Noa hemi kasem 600 yia blong hem, long mektu mans, long namba seventin de blong mans ya, olketa hol blong wata insaet long graon olketa kamap open, an wata hemi gohed fo ka-kamaot bikfala. An barava bikfala hevi ren hemi kam.

Pijin Deuterocanon

¹¹ Nao long disfala yia wea Noa hemi kasem 600 yia blong hem, long mektu mans, long namba seventin de blong mans ya, olketa hol blong wata insaet long graon olketa kamap open, an wata hemi gohed fo ka-kamaot bikfala. An barava bikfala hevi ren hemi kam.

Jenesis 7:11 Iomraidhean Croise

Jenesis 1:7

An samting ya hemi kamap olsem wea God hemi bin talem. Hemi mekem samting ya fo mekem wata hemi divaed, nao haf blong wata hemi stap antap long hem, an narafala haf blong wata hemi stap andanit long hem.

Jenesis 6:17

Bae mi sendem kam wanfala bikfala wata tumas fo kam long wol ya fo draonem evrisamting ya wea hemi laef, fo finisim olketa. Evrisamting long wol ya bae olketa dae.

Jenesis 7:6

Nao taem bikfala wata ya hemi kam draonem evrisamting, Noa hemi kasem 600 yia blong hem.

Jenesis 8:14

An long namba tuenti-seven de blong mektu mans long yia ya, graon hemi kamap barava drae nao.

Jenesis 8:2

Hemi satem olketa hol blong wata insaet long graon, mekem wata hemi no kamaot moa, an hemi finisim bikfala ren ya nao.

2 Kings 7:19

An bifoa long datfala taem, bikman ya hemi bin tok olsem long profet, “!Yu laea! !Sapos Yawe hemi sendem kam kaikai from heven, bae praes blong hem hemi no save godaon olsem!” Bat man blong God hemi bin tok olsem long hem, “Bae yu lukim samting ya hemi hapen, bat bae yu no save kaikaim enisamting long olketa kaikai ya.”

2 Kings 7:2

Nao wanfala bikman wea hemi wakabaot wetem king olowe hemi tok olsem long man blong God, “!Yu laea! !Sapos Yawe hemi sendem kam kaikai from heven distaem nomoa, bae praes blong hem hemi no save godaon olsem!” Den Elaesa hemi tok olsem long hem, “Bae yu lukim samting ya hemi hapen, bat bae yu no save kaikaim enisamting long olketa kaikai ya.”

Stori abaotem Job 12:15

Sapos God hemi stopem wata, bae i no save ren. An sapos hemi letem olketa riva fo ran bikfala, bae olketa spoelem evrisamting.

Stori abaotem Job 28:4

Long olketa ples wea i farawe, wea tu-tri pipol nomoa save go long dea, olketa digim olketa hol insaet long graon fo aotem olketa nambawan ston. Taem olketa waka insaet long olketa hol ya, olketa holetaet long rop, an hang nomoa long saet blong hol ya.

Stori abaotem Job 38:16

?Waswe, enitaem yet, yu bin kasem ples long botom blong si, o yu bin wakabaot finis long botom blong dipsi?

Stori abaotem Job 38:37

?Hu nao hemi waes, mekem hemi save kaontem olketa klaod long skae? ?Hu nao hemi save kapsaetem kamdaon ren

Sams 33:7

Hemi putum solwata fo stap long barava ples blong hem, an hemi mekem dipsi fo stap long barava ples blong hem tu.

Sams 74:15

Olketa springwata an olketa riva wea i drae finis, yu bin mekem olketa fo ran moa, an olketa bikfala riva wea i no save drae enitaem, yu bin mekem olketa fo drae.

Provebs 3:20

Long save, Yawe hemi mekem riva fo ran, an hemi mekem ren foldaon from klaod.

Aesaea 24:18

Pipol wea i laek fo ranawe from olketa samting ya fo fraet long hem, bae i foldaon long hol. An pipol wea i laek fo ranawe from trap ya, bae i fas long hem. An bae bikfala ren hemi kamdaon, an botom blong disfala graon bae hemi seksek tumas.

Aesaea 24:19

Bae graon ya hemi seksek go-go hemi brek, an bae hemi garem bikfala hol long hem.

Jeremaea 5:22

Mi Yawe nao ya. Yufala lukim bikfala solwata. Mi nao putum sanbis olsem spialaen wea solwata ya kanduit gopas long hem. Nomata solwata hemi raf fogud an hemi biksi tumas, bat bae hemi no save ovam mak ya. ?Waswe nao yufala no save fraetem mi? ?Waswe nao yufala no seksek long ae blong mi?

Jeremaea 51:16

Taem hemi toktok, hemi here olsem tanda, an wata long skae hemi mekem bikfala noes. Hemi gohed fo mekem olketa klaod fo kam from narasaet long wol. Hemi mekem laetning fo laet long bikfala ren, an hemi mekem win fo kamaot long ples wea hemi kipim.

Esikiel 26:19

“Hem nao mi Lod Yawe mi tok olsem: Bae mi mekem olketa spoelem finis taon blong yufala, an no eniwan hemi stap moa long hem. An bae mi mekem bikfala solwata ya fo kavarem taon ya an spoelem yufala finis.

Malakae 3:10

Tekem kam olketa wan-tent blong yufala long Tambuhaos blong mi, mekem plande kaikai hemi stap long hem. Traem mi, mekem yufala lukim dat bae mi barava blesim yufala winim wanem yufala save tingim. Bae hemi olsem wea mi openem skae an letem ren hemi kamdaon.

Matiu 24:38

Long taem bikfala flad ya hemi no kam yet, pipol gohed fo kaikai an dring an mekem marit, go-go kasem barava de wea Noa hemi go insaet long bikfala sip nao.

1 Tesalonaeka 5:3

Pipol bae gohed fo toktok olsem, “Olketa samting i barava kuaet an stapgud nomoa.” Bat seknomoa, bikfala trabol bae hemi kam nao an barava spoelem olketa pipol, an bae olketa no save ranawe from diswan. Bae hemi kasem olketa kuiktaem nomoa olsem pein wea woman hemi filim taem hemi redi fo bonem pikinini.

2 Pita 3:6

Bifoa, hemi yusim wata ya fo spoelem disfala wol taem hemi mekem wata fo kamap hae an kavaremap disfala graon.