Jenesis 6:13 - Pijin Bible

¹³ Nao God hemi tok olsem long Noa, “Bikos wol ya hemi kamap ful nao long evri ravis samting wea olketa pipol ya i mekem, bae mi barava finisim wol ya nao wetem pipol ya.

Pijin Deuterocanon

¹³ Nao God hemi tok olsem long Noa, “Bikos wol ya hemi kamap ful nao long evri ravis samting wea olketa pipol ya i mekem, bae mi barava finisim wol ya nao wetem pipol ya.

Jenesis 6:13 Iomraidhean Croise

Jenesis 49:5

Simion an Livae, yutufala i wanfala brata nomoa. Yutufala gohed fo yusim olketa samting blong yutufala fo faet fo spoelem nomoa olketa narafala pipol.

Jenesis 6:14

Distaem yu mas tekem olketa gudfala timba, an yu mas wakem wanfala bikfala sip. Yu mas wakem olketa rum insaet long hem, an yu mas pendam insaet an aotsaet blong hem long ta.

Jenesis 7:21

Evrisamting ya wea hemi garem laef wea olketa stap long graon ya wea God hemi bin mekem olketa, bat long taem ya, hemi draonem olketa evriwan i dae finis nao. Evri man, wetem evri animol, an olketa narafala samting moa wea olketa gohed fo wakabaot long graon ya, an evri bed, God hemi spoelem olketa evriwan nao. Noa nomoa, wetem olketa long famili blong hem an evrisamting wea i stap wetem hem long bikfala sip ya, olketa ya nomoa i gohed fo laef.

Jenesis 7:4

Distaem sevenfala de nomoa hemi stap, nao bae mi mekem bikfala ren fo kam. An bae hemi ren long foti de an foti naet, an bae mi spoelem fogud olketa man wetem olketa narafala samting wea mi bin mekem long wol ya.”

Jenesis 8:21

God hemi hapi tumas long gudfala smel blong olketa sakrifaes ya, an hemi gohed fo tingting seleva olsem, “Bae mi no spoelem moa wol ya from olketa samting wea olketa man gohed fo mekem, bikos mi save nao hemi olsem, stat long taem wea olketa i smol pikinini nomoa, tingting blong olketa hemi stap finis long olketa samting nogud. Distaem mi spoelem finis olketa man wetem olketa narafala samting wea i garem laef, olketa evriwan i dae finis nao, bat bae mi no save duim moa olsem bihaen, olsem wea mi duim distaem.

Aesaea 34:1

(Profet) !Yufala evri pipol blong olketa narafala kantri! !Yufala kam kolsap an lisin gudfala! Ya, evri pipol an evrisamting long disfala wol mas lisin kam.

Jeremaea 51:13

Yufala pipol stap long midol long plande riva, an yufala ris fogud, bat taem hemi kam nao, wea bae yufala finis nao.

Emos 3:7

Ya, Lod Yawe hemi no duim enisamting sapos hemi no somaot yet long olketa profet hu i wakaman blong hem.

Emos 8:2

Yawe hemi tok olsem long mi, ?Emos. ?Waswe, yu luksave long disfala samting?? An mi tok olsem, ?Ya, wanfala ful basket long frut wea hemi barava redi fo kaikai.? Hemi tok moa olsem long mi, ?Ya. Mi barava redi tu fo panisim olketa pipol blong mi. Bae mi no save sensim moa tingting blong mi, mi mas panisim olketa nao.

Hibrus 11:7

Noa hemi biliv long God, an dastawe hemi obeim God taem hemi wonem hem abaotem olketa samting wea no eniwan i lukim yet. Hemi wakem wanfala bikfala sip fo sevem olketa famili blong hem. An bikos hemi obeim God, hemi somaot dat olketa pipol blong wol ya i rong, bat hem seleva hemi kamap stret long ae blong God olsem evriwan hu i biliv long hem.

1 Pita 4:7

Yumi kam kolsap nao long taem wea evrisamting long disfala wol bae hemi lus finis. So hemi gud tumas fo yufala kontrolem yufala seleva an lukaot, mekem yufala save prea.