Jenesis 50:2 - Pijin Bible

² Nao hemi kolem olketa man long Ijip wea olketa waka fo hem fo kam, an hemi talem olketa dat i savegud long wei fo wakem bodi blong man dae fo hemi no save roten, mekem olketa wakem bodi blong dadi blong hem ya olsem tu.

Pijin Deuterocanon

² Nao hemi kolem olketa man long Ijip wea olketa waka fo hem fo kam, an hemi talem olketa dat i savegud long wei fo wakem bodi blong man dae fo hemi no save roten, mekem olketa wakem bodi blong dadi blong hem ya olsem tu.

Jenesis 50:2 Iomraidhean Croise

Jenesis 27:41

Bihaen, Iso hemi barava no laekem Jekob nao, bikos dadi blong tufala hemi givim olketa blesing finis fo Jekob. Nao hemi gohed fo ting olsem, “Bae no longtaem, dadi blong mi ya hemi dae, an bae mifala gohed fo sore an krae fo hem. Bat bihaen bae mi kilim dae brata blong mi ya.”

Jenesis 50:1

Nao Josef hemi lei godaon long dadi blong hem, an hemi holem dadi blong hem, an hemi gohed fo krae bikfala fo hem, an hemi gohed fo kisim fes blong hem.

Jenesis 50:26

An bihaen, Josef hemi dae, long taem hemi kasem 110 yia blong hem. An olketa wakem bodi blong hem fo hemi no save roten, nao olketa putumgud insaet long wanfala boks taem olketa stap yet long Ijip.

2 Kronikols 16:14

Olketa man fo redim bodi blong hem i tekem oel wetem olketa lif wea i garem gudfala smel, an putum long bodi blong hem, den olketa go berem hem long grev wea hemi mekem finis long Biktaon blong King Deved. An taem olketa berem hem finis, olketa mekem wanfala bikfala faea fo tinghae long hem.

Matiu 26:12

Disfala woman ya, taem hemi kapsaetem oel ya long bodi blong mi, hemi mekredi long mi fo taem wea bae olketa berem mi.

Gudnius abaotem Jisas Kraes wea Mak hemi raetem 14:8

Woman ya hemi duim gudfala samting ya, wea hemi kapsaetem oel long bodi blong mi fo mekem mi redi fo taem wea bae olketa berem mi.

Gudnius abaotem Jisas Kraes wea Mak hemi raetem 16:1

Taem Sabat de hemi finis nomoa, Meri blong Magdala an Salome an Meri mami blong Jemes, olketa go fo peim insens fo putum long bodi blong Jisas nao.

Gudnius abaotem Jisas Kraes wea Luk hemi raetem 24:1

Long fas de long wik long eli moning yet, olketa woman ya olketa tekem insens ya wea olketa bin mekredi long hem finis, an olketa go long kev blong Jisas nao.

Gudnius abaotem Jisas Kraes wea Jon hemi raetem 12:7

An Jisas hemi tok olsem, “!Ei, yu no stopem woman ya! Hemi kipim disfala oel ya fo yusim long bodi blong mi long taem wea bae olketa berem mi ya.