Jenesis 50:1 - Pijin Bible

¹ Nao Josef hemi lei godaon long dadi blong hem, an hemi holem dadi blong hem, an hemi gohed fo krae bikfala fo hem, an hemi gohed fo kisim fes blong hem.

Pijin Deuterocanon

¹ Nao Josef hemi lei godaon long dadi blong hem, an hemi holem dadi blong hem, an hemi gohed fo krae bikfala fo hem, an hemi gohed fo kisim fes blong hem.

Jenesis 50:1 Iomraidhean Croise

Jenesis 23:2

Hemi dae long kantri ya wea olketa kolem Kenan, long taon olketa kolem Kiriataba, wea distaem, olketa kolem Hebron. Nao Ebraham hemi sore tumas an hemi krae fogud long waef blong hem ya wea hemi dae finis. Bihaen, hemi getap from ples wea olketa leim waef blong hem, nao hemi go fo lukim olketa bikman long laen blong Het wea olketa onam graon long ples ya, an hemi tok olsem long olketa,

Jenesis 46:4

Bae mi go wetem yu, an bihaen, bae mi tekemaot olketa wea bae i bon kam bihaen long yu fo kambaek moa long Kenan. An long taem wea yu dae bae, Josef seleva nao hemi stap wetem yu fo satem ae blong yu.”

Jenesis 49:33

Taem hemi finis fo talem olketa toktok ya long olketa pikinini blong hem ya nomoa, hemi leidaon go long bed an hemi dae nao.

Jenesis 50:2

Nao hemi kolem olketa man long Ijip wea olketa waka fo hem fo kam, an hemi talem olketa dat i savegud long wei fo wakem bodi blong man dae fo hemi no save roten, mekem olketa wakem bodi blong dadi blong hem ya olsem tu.

2 Kings 13:14

Bifoa King Jehoas hemi dae, Profet Elaesa hemi sik tumas an hemi kolsap dae. Nao King Jehoas hemi kam visitim hem, hemi krae fo hem. Hemi krae olsem, “!Fata blong mi! !Fata blong mi! !Yu nao yu olsem kaat fo faet an olketa man i raed long olketa hos blong Israel.”

Aposol 8:2

Samfala man hu olketa save prea long God, olketa berem Stivin an olketa krae bikfala an sore tumas long hem.

Efesas 6:4

Yufala olketa dadi, yufala mas no mekem olketa pikinini blong yufala fo kamap kros tumas. Bat yufala mas lukaftarem olketa gud an tisim olketa long wei blong Masta.

1 Tesalonaeka 4:13

Olketa Kristin fren, mifala laekem yufala fo savegud abaotem wanem bae hemi hapen long olketa hu i dae finis. Hem nao save mekem yufala no sore tumas olsem olketa pipol hu i no trastem God.