Jenesis 49:6 - Pijin Bible

⁶ Mi no laek fo joen long olketa toktok haed blong yutufala. Taem yutufala kros, yutufala save kilim dae olketa narafala pipol. An yutufala save go katem string bihaen long lek blong olketa buluka fo la-laf nomoa long olketa.

Pijin Deuterocanon

⁶ Mi no laek fo joen long olketa toktok haed blong yutufala. Taem yutufala kros, yutufala save kilim dae olketa narafala pipol. An yutufala save go katem string bihaen long lek blong olketa buluka fo la-laf nomoa long olketa.

Jenesis 49:6 Iomraidhean Croise

Jenesis 34:30

Nao Jekob hemi tok olsem long tufala pikinini blong hem ya, “Tufala. Yutufala mekem wanfala bikfala trabol long mi ya. Distaem, olketa laen blong Kenan, wetem olketa laen blong Peris, an olketa narafala pipol wea i stap olobaot long kantri ya bae olketa no laekem mi moa nao ya, bae olketa agensim mi ya, bat yumi no plande nomoa. Sapos olketa ya i joen tugeta, an i kam fo faetem yumi, bae yumi evriwan lus nao ya.”

2 Samuel 8:4

Ami blong Deved hemi kasholem 1,700 soldia wea i ran long hos, an 20,000 soldia, olketa evriwan i blong Hadadesa ya. An hemi holem 100 hos wea i fit fo pulum kaat fo faet. Bat olketa nara hos, hemi katem string blong lek blong olketa mekem olketa no save wakabaot.

1 Kronikols 18:4

Ami blong Deved hemi kasholem 1,000 kaat fo faet, an 7,000 soldia wea i ran long hos, an 20,000 soldia, olketa evriwan i blong Hadadesa ya. An hemi holem 100 hos wea i fit fo pulum kaat fo faet. Bat olketa nara hos, hemi katem string blong lek blong olketa mekem olketa no save wakabaot.

Sams 1:1

Olketa wea i no laek fo falom toktok blong olketa nogud pipol, olketa ya nao i hapi. An olketa wea i no laek fo falom wei blong sin, olketa ya nao i hapi. An olketa wea i no laek fo joen wetem olketa wea i gohed fo tokdaonem God, olketa ya nao i hapi.

Sams 103:1

!Oltaem mi laekem tumas fo preisim Yawe! !Long ful laef blong mi, mi mas preisim holi nem blong hem!

Sams 139:19

God, mi laekem tumas fo yu kilim dae olketa nogud pipol ya. !An mi laekem tumas olketa man fo faet mas goawe from mi!

Sams 16:9

Hem nao mi barava hapi fogud, an laef blong mi hemi gudfala tumas, an mi barava sef nao.

Sams 26:9

Taem yu spoelem olketa nogud pipol, plis yu no spoelem mi. Taem yu panisim olketa pipol wea i kilim dae olketa narafala pipol, plis yu no makem mi wetem olketa.

Sams 28:3

Taem yu panisim olketa nogud pipol ya, plis yu no makem mi wetem olketa. Olketa ya i gohed fo talem olketa gudfala toktok long narafala pipol, bat long tingting blong olketa, olketa barava heitem olketa ya fogud.

Sams 30:12

Dastawe bae mi no save stap kuaet nao. Bae mi preisim yu long olketa singsing. Ya, Lod Yawe, yu nao yu God blong mi, an bae mi gohed fo preisim yu olowe. (Singsing blong Deved.)

Sams 42:11

?Waswe nao mi sore tumas olsem? ?Waswe nao mi wari tumas olsem? Nomata olsem, bae mi we-weit an trastem yu nomoa, an bae mi preisim yu moa God blong mi wea yu save sevem mi.

Sams 42:5

?Waswe nao mi sore tumas olsem? ?Waswe nao mi wari tumas? Bae mi we-weit an trastem yu nomoa, an bae mi preisim yu moa God blong mi wea yu save sevem mi.

Sams 43:5

?Waswe nao mi sore tumas olsem? ?Waswe nao mi wari tumas? Bae mi we-weit an trastem yu nomoa, an bae mi preisim yu moa God blong mi wea yu save sevem mi. (Singsing blong olketa long laen blong Kora.)

Sams 5:10

Lod God, plis yu panisim olketa bikos olketa rong nao. Plis yu mekem olketa ravis plan blong olketa fo spoelem olketa seleva. Plis yu ronem olketa aot, bikos olketa sin tumas, an i gohed fo faet agensim yu.

Sams 57:8

!Distaem mi mas wekap! !Olketa gita blong mi, yufala mas wekap! !Bae mi wekapem san ya!

Sams 64:2

Plis yu gadem mi, nogud olketa ravis samting wea olketa planem i kasem mi. Yu no lego long mi long han blong olketa ravis pipol ya.

Provebs 1:11

Maet olketa sei, “Kam. Yumi haed long saet rod, an kilim dae olketa gud pipol fo plei nomoa.

Provebs 12:5

Stret man mekem stretfala plan, ravis man givim ravis advaes.

Jeremaea 15:17

Mi no sidaon long fist wetem olketa narafala pipol hu i gohed fo hapi an laf. Bat oltaem, mi gohed fo stap seleva nomoa, bikos yu fulumapem mi long kros blong yu fo olketa.

Jeremaea 4:19

(Profet) !Ei! !Mi barava sore tumas! Haat blong mi hemi pampam fogud an bele blong mi hemi filnogud tumas. Mi kanduit stap kuaet nao, bikos mi herem bikfala noes blong olketa trampet, an mi herem olketa enemi singaot taem olketa kam fo mekem faet.

Gudnius abaotem Jisas Kraes wea Luk hemi raetem 12:19

An bae mi tok olsem long mi seleva, yu garem plande gud samting fitim plande yia nao. So long distaem yu save stapgud an no wari. Yu save kaikai an dring an stap hapi nomoa evritaem.’

2 Korin 6:14

Yufala deferen from olketa hu i no biliv, so yufala mas no joen wetem olketa. ?Hao nao wanem hemi stret hemi save joen tugeta wetem wanem hemi rong? ?Hao nao laet hemi save stap tugeta wetem tudak?

Diutronomi 27:24

“Trabol bae kasem eniwan hu hemi kilim dae wantok blong hem an hemi haedem.’ “An olketa pipol mas ansa olsem, ‘!Hem tru ya!’

Josua 11:9

So Josua wetem ami blong hem i duim nao olketa samting wea Yawe bin talem fo duim, an olketa katem olketa string long bihaen lek blong olketa hos blong olketa, an bonem finis olketa kaat fo faet blong olketa.

Jajis 5:21

Bikfala flad long Kison Riva hemi spoelem olketa soldia blong Sisera. Ya, flad long Kison hem kavarem olketa. Oltaem, bae mi stap strong taem mi wakabaot go fo faet.