Jenesis 48:5 - Pijin Bible

⁵ An hemi tok moa olsem, “Josef, tufala pikinini blong yu ya wea i bon long hia fastaem, taem wea mi no kam long hia yet, tufala ya i pikinini blong mi nao. Mi lukim Efrem wetem Manase, olsem tufala i barava pikinini blong mi nao, olsem tufala pikinini blong mi ya Ruben an Simion.

Pijin Deuterocanon

⁵ An hemi tok moa olsem, “Josef, tufala pikinini blong yu ya wea i bon long hia fastaem, taem wea mi no kam long hia yet, tufala ya i pikinini blong mi nao. Mi lukim Efrem wetem Manase, olsem tufala i barava pikinini blong mi nao, olsem tufala pikinini blong mi ya Ruben an Simion.

Jenesis 48:5 Iomraidhean Croise

Jenesis 46:20

Long Ijip, Josef hemi maritim dota blong wanfala man blong Heliopolis hu hemi kastom prist, wea nem blong hem nao Potifera. Woman ya, nem blong hem nao Asenat, an tufala bonem tufala pikinini boe, wea nem blong tufala nao, Manase an Efrem.

Jenesis 48:1

Samtaem bihaen, Josef hemi herem dat dadi blong hem hemi sik fogud. So hemi tekem tufala pikinini blong hem ya Manase an Efrem, nao olketa go fo lukim hem.

Jenesis 48:6

Sapos yu bonem olketa narafala pikinini moa, bae olketa ya nao i blong yu seleva, an bae olketa waka nomoa long graon wea mi givim long Efrem an Manase.

Sams 77:16

God, long taem yu bin kam, solwata hemi olsem man wea hemi lukim yu an hemi fraet. Ya, dipsi hemi olsem man wea hemi seksek.

Aesaea 43:1

Bat Yawe hu hemi mekem yufala olketa pipol blong Israel, hemi tok olsem, “Yufala no fraet, bikos mi nao mi mekem yufala fri. An mi nao mi kolem nem blong yufala. Yufala pipol blong mi ya.

Esikiel 16:8

“Bihaen, mi gopas moa long ples ya, an mi lukim dat yu bikfala fitim fo marit nao. So, mi kavaremap neket bodi blong yu long longfala kaleko blong mi, an mi mekem wanfala strong agrimen wea bae mi lavem yu. Mi promis fo maritim yu, an yu kamap waef blong mi. “Hem nao mesij blong mi Lod Yawe.

Esikiel 47:13

Lod Yawe nao hemi tok olsem, “Hem ya nao olketa baondri blong lan wea bae yufala mas divaedem long tuelfala laen blong Israel. Tufala laen blong Josef, bae i garem tufala pisgraon.

Levitikas 20:26

Yufala mas stap holi bikos mi nao, Yawe, mi holi, an mi bin tekem yufala aot from olketa narafala pipol, mekem yufala kamap spesol pipol blong mi.

Malakae 3:17

Yawe hemi tok moa olsem, ?Long taem mi mekem olketa ya fo kamap spesol pipol blong mi, bae olketa i blong mi nao. Bae mi sore long olketa barava olsem wea dadi hemi sore long pikinini blong hem hu hemi obeim hem.

Nambas 1:10

An long Efrem, disfala fas traeb blong Josef, lida blong olketa nao Elisama, san blong Amihud. An long Manase, disfala mektu traeb blong Josef, lida blong olketa nao Gamaliel, san blong Pedasua.

2 Korin 6:18

An mi nao bae mi olsem Dadi blong yufala, an bae yufala nao olketa san an dota blong mi. Mi God wea mi garem evri paoa nao mi talem diswan.”

Efesas 1:5

Bikos God hemi lavem yumi, hemi bin siusim yumi long bifoa kam, mekem yumi kamap olketa pikinini blong hem long waka blong Jisas Kraes. Diswan hemi wanem God hemi laekem tumas fo duim.

Hibrus 11:21

Jekob hemi biliv long God, an dastawe taem hemi kolsap dae, hemi blesim tufala san blong Josef. Long taem ya, hemi holem disfala wokingstik blong hem an hemi wosipim God.

Josua 13:7

Yu mas divaedem olketa lan ya go long narafala naenfala traeb blong yufala, wetem narafala haf long olketa long traeb blong Manase wea i no garem lan yet.”