Jenesis 48:12 - Pijin Bible

¹² Nao tufala sidaon antap long lek blong hem, mekem hemi somaot dat hemi lukim tufala olsem tufala i barava pikinini blong hem. Nao Josef hemi tekemaot tufala moa, nao hemi baodaon long frant blong dadi blong hem, wea fes blong hem hemi godaon go-go kasem graon.

Pijin Deuterocanon

¹² Nao tufala sidaon antap long lek blong hem, mekem hemi somaot dat hemi lukim tufala olsem tufala i barava pikinini blong hem. Nao Josef hemi tekemaot tufala moa, nao hemi baodaon long frant blong dadi blong hem, wea fes blong hem hemi godaon go-go kasem graon.

Jenesis 48:12 Iomraidhean Croise

Jenesis 18:2

Hemi luk go long rod, an hemi lukim trifala man wea olketa gohed fo stanap nomoa long ples ya. Taem hemi lukim trifala ya, hemi stanap, an hemi kuiktaem go fo mitim trifala ya. An taem hemi go kolsap long trifala, hemi baodaon go-go fes blong hem kasem graon,

Jenesis 19:1

Nao tufala man ya i gohed fo wakabaot go long Sodom, tufala ya i enjel, an long ivining, taem tufala kasem ples ya, Lot hemi gohed fo sidaon nomoa kolsap long doa long bikfala wolston blong taon ya. Nao taem hemi lukim tufala ya, hemi stanap an hemi wakabaot go fo tok wetem tufala. Hemi baodaon long frant long tufala, go-go fes blong hem kasem graon,

Jenesis 23:7

Ebraham hemi getap an hemi baodaon long olketa,

Jenesis 33:3

Nao hemi wakabaot fastaem long olketa fo go mitim brata blong hem, an taem hemi kolsap kasem hem, hemi baodaon sevenfala taem long graon go-go fes blong hem hemi kasem graon.

Jenesis 42:6

Long taem ya, Josef nao hemi gohed fo lukaftarem kantri ya, an hemi gohed fo salem kaikai long olketa pipol blong olketa narafala kantri long wol. Nao olketa brata blong hem olketa kam an baodaon long frant blong hem, go-go fes blong olketa hemi godaon kasem graon.

Jenesis 48:11

an hemi tok olsem long Josef, “Bifoa, mi tingse olsem bae mi no save lukim yu moa, bat distaem God hemi letem mi fo lukim tufala pikinini blong yu ya.”

Jenesis 48:13

Nao Josef hemi putum Efrem long lef saet blong dadi blong hem, an hemi putum Manase long raet saet blong hem.

1 Kings 2:19

Den hemi go lukim king from samting ya. Taem Batseba hemi kam insaet, king hemi stanap an baodaon long hem. Hemi sidaon moa long tron blong hem, an hemi talem olketa fo tekem kam wanfala tron fo kuin ya. So mami blong hem hemi kam sidaon long raet saet blong hem.

2 Kings 4:37

So woman ya hemi nildaon long lek blong profet an fes blong hem hemi go kasem floa. Den hemi tekem go boe blong hem, an hemi godaon.

Eksodas 20:12

“Yufala mas tinghae long dadi an mami blong yufala, mekem yufala save laef fo longtaem long lan wea bae mi Yawe, God blong yufala, mi givim long yufala.

Eksodas 34:8

Mosis hemi baodaon moa go-go fes blong hem hemi kasem graon, an hemi wosipim Yawe.

Provebs 31:28

Olketa pikinini blong hem tokhapi long hem, an hasban blong hem hemi tokhae long hem tu.

Levitikas 19:3

Yufala evriwan mas tinghae long olketa mami an dadi blong yufala, an yufala mas kipim Sabat de, bikos mi nao Yawe, God blong yufala.

Levitikas 19:32

“An yufala mas stanap fo somaot dat yufala tinghevi long olketa olo. An yufala mas tinghae long mi, God blong yufala. Mi nao, mi Yawe.

Efesas 6:1

Yufala olketa pikinini, bikos yufala i Kristin, yufala mas obeim mami an dadi blong yufala. Diskaen wei ya hemi stret.