Jenesis 45:1 - Pijin Bible

¹ Josef hemi no save haedem moa filing blong hem nao, an hemi filim olsem bae hemi krae long ae blong olketa slev blong hem, so hemi talem olketa fo go aotsaet. Taem olketa brata blong hem nomoa i stap wetem hem, hemi jes talemaot nao hu nao hem long olketa.

Pijin Deuterocanon

¹ Josef hemi no save haedem moa filing blong hem nao, an hemi filim olsem bae hemi krae long ae blong olketa slev blong hem, so hemi talem olketa fo go aotsaet. Taem olketa brata blong hem nomoa i stap wetem hem, hemi jes talemaot nao hu nao hem long olketa.

Jenesis 45:1 Iomraidhean Croise

Jenesis 42:24

Nao hemi goaot from olketa fo krae, an taem hemi filgud moa, hemi kambaek. Hemi tekem Simion an taemapem hem long ae blong olketa.

Jenesis 44:34

!Sapos mi gobaek bat hemi no kam wetem mi, mi nating laek fo lukim nao bikfala trabol wea bae hemi kasem dadi blong mi!”

2 Samuel 1:20

!Letem olketa no talem nius ya long Gat! !Letem olketa no singaot falom rod blong Askelon! Nogud olketa dota blong Filistia i hapi. Ya, nogud olketa hiden dota ya i hapi long hem.

2 Samuel 13:9

Taem bred ya hemi redi an hemi hot yet, hemi givim go stret long Amnon fo hemi kaikaim. Bat hemi no laekem. Hemi tok olsem, “!Yu talem evriwan fo go aotsaet fastaem!” So olketa evriwan i go aotsaet.

Aesaea 42:14

Yawe hemi tok olsem, “Fo longtaem nao, mi bin stap kuaet nomoa, an mi no helpem olketa pipol blong mi. Bat hemi kasem taem nao wea bae mi mas duim samting. Ya, bae mi singaot bikfala, olsem woman hu hemi filpein tumas taem hemi bonem pikinini.

Jeremaea 20:9

Sapos mi ting olsem, “Distaem bae mi fogetem Yawe. Bae mi no talemaot profesi moa long nem blong hem.” Bat taem mi ting olsem, hemi olsem faea hemi bone insaet long mi, an hemi fil olsem evri bon blong mi hemi bone. Mi traem fo holem hem insaet, bat mi no save duim.

Sekaraea 12:10

Yawe hemi gohed fo tok olsem, ?Bae mi mekem olketa laen blong Deved an olketa pipol blong Jerusalem fo barava garem gudfala tingting, wea olketa save sore long narafala man, an olketa save prea fo mi helpem olketa. Bae olketa lukluk go long mi, disfala man wea olketa spiarem. An bae olketa sore an krae fo hem, olsem man wea hemi garem wanfala pikinini nomoa an hemi dae, o man wea fasbon pikinini blong hem hemi dae.

Matiu 18:15

An Jisas hemi sei moa, “Sapos brata blong yu hemi duim enisamting agensim yu, yu mas go lukim hem, mekem yutufala stretem disfala samting long yutufala seleva. Sapos hemi wiling fo herem wanem yu talem, oraet, yu bin helpem brata blong yu fo yutufala stapgud moa ya.

Aposol 10:41

Hemi no somaot hem seleva long evri pipol, bat long olketa nomoa hu God hemi bin siusim olketa fastaem fo olketa bae lukim hem. An taem hemi laefbaek finis, mifala kaikai an mifala dring tugeta wetem hem tu.

Aposol 7:13

Long mektu gogo blong olketa, Josef hemi talem olketa dat hem nao hemi tru brata blong olketa. An King long Ijip tu hemi herem abaotem famili blong Josef.

1 Korin 13:5

Lav hemi save mekem man fo no spoelem nara man, an fo no tingim hem seleva nomoa, an fo no kros kuiktaem. Lav hemi save mekem man fo fogetem nomoa olketa rong wea olketa pipol mekem long hem.