Jenesis 43:8 - Pijin Bible

⁸ Nao Jiuda hemi tok olsem long hem, “Yu putum boe ya long han blong mi, fo mifala go distaem nao, mekem no eniwan long yumi bae hemi dae long hanggre.

Pijin Deuterocanon

⁸ Nao Jiuda hemi tok olsem long hem, “Yu putum boe ya long han blong mi, fo mifala go distaem nao, mekem no eniwan long yumi bae hemi dae long hanggre.

Jenesis 43:8 Iomraidhean Croise

Jenesis 42:2

Mi bin herem dat olketa salem wit long Ijip. So yufala mas go an baem kam samfala kaikai fo yumi, nogud yumi dae long hanggre.”

Jenesis 42:38

Bat dadi blong olketa hemi tok olsem, “!Nomoa! Mi no save letem pikinini blong mi ya fo go wetem yufala. Barava brata blong hem hemi dae finis nao, an hem seleva nomoa wanfala wea hemi stap hu hemi bon long waef blong mi Resel. Maet wanfala nogud samting bae hemi kasem hem moa long rod. Mi olfala tumas nao, an sapos yu mekem eni nogud samting fo kasem hem, bae mi dae nomoa long sore ya.”

Jenesis 44:20

An mifala tok olsem, ‘Ya, dadi blong mifala hemi stap nomoa, bat hemi olo finis nao. An lasbon brata blong mifala hemi stap nomoa, wea hemi bon taem dadi blong mifala hemi olo finis nao. Mami blong lasbon ya hemi bonem tufala pikinini boe nomoa, bat fasbon hemi lus finis, an lasbon ya nomoa hemi stap. An dadi blong mifala hemi lavem hem tumas.’

Jenesis 44:26

bat mifala tok olsem, ‘Mifala no save go. Man ya longwe hemi talem finis long mifala olsem, “Sapos lasbon brata blong yufala ya hemi no kam wetem yufala, mi nating wande fo lukim fes blong yufala moa.” So hemi mas go wetem mifala nao ya. Hem nomoa wanfala wei fo mifala ya. Sapos nomoa, bae mifala no go nao.’

Jenesis 45:19

An yu mas talem long olketa tu wea olketa mas tekem samfala long olketa kaat long hia long Ijip, fo tekem kam olketa waef blong olketa wetem olketa smolfala pikinini. Olketa mas tekem kam dadi blong yufala tu.

Jenesis 50:21

So yufala no fraet. Bae mi gohed fo lukaftarem yufala an olketa pikinini blong yufala.” So long wei ya nao, hemi gohed fo toktok gudfala long olketa, an hemi mekem olketa fo filgud moa.

Jenesis 50:8

An olketa pikinini blong hem tu, wetem evri brata blong hem an olketa narafala pipol moa long famili blong olketa ya, olketa evriwan i go. Olketa smolfala pikinini nomoa wetem olketa animol blong olketa stap long Gosen.

2 Kings 7:13

Wanfala bikman blong hem hemi tok olsem, “King, plande pipol long hia i dae finis, an olketa hu i laef yet, bae i no longtaem an olketa dae tu. Yumi garem samfala hos i stap yet. Hemi gud fo yu siusim samfala man, an yu letem olketa tekem faefala hos ya. Olketa save go faendemaot wanem nao hemi hapen.”

2 Kings 7:4

Yumi no save go insaet long taon bikos bae yumi dae nomoa long hanggre. An sapos yumi stap long hia, bae yumi dae tu. Ating bae yumi trae go long ples blong ami blong Siria an givap long olketa. Sapos olketa kilim yumi dae, yumi dae. Bat sapos olketa no kilim yumi dae, yumi laef.”

Esra 8:21

Taem mifala stap long ples ya, long saet blong Ahava Riva, mi talem long olketa man hu i hipap long ples ya, wea mifala evriwan mas stop fo no kaikai, mekem mifala godaon long tingting blong mifala fo kam kolsap long God. Den mifala save askem hem fo kipim mifala sef long rod, an fo lukaftarem mifala, wetem olketa pikinini blong mifala, an evrisamting blong mifala.

Sams 118:17

Bae mi no dae, bae mi laef nomoa fo talemaot olketa samting wea Yawe hemi bin duim.

Eksodas 20:12

“Yufala mas tinghae long dadi an mami blong yufala, mekem yufala save laef fo longtaem long lan wea bae mi Yawe, God blong yufala, mi givim long yufala.

Nambas 14:31

Yufala bin talem dat bae pipol blong Kenan save tekemaot olketa pikinini blong yufala, bat mi bae mi tekem go olketa pikinini ya fo stap long lan wea yufala les long hem.

Diutronomi 33:6

Mosis hemi gohed fo tok olsem long olketa traeb: “Traeb blong Ruben, bae yufala no kamap plande, bat bae yufala laef an hemi gud sapos yufala no save lus.