Jenesis 43:7 - Pijin Bible

⁷ Bat olketa tok olsem, “Hem nao hemi gohed fo askem plande kuestin long mifala abaotem mifala wetem olketa famili blong mifala ya. Hemi ask olsem, ‘?Dadi blong yufala hemi stap yet? ?Yufala garem eni narafala brata moa?’ Mifala ansarem nomoa olketa kuestin blong hem ya. ?Hao nao bae mifala save dat bae hemi askem mifala fo tekem brata blong mifala ya fo go long hem?”

Pijin Deuterocanon

⁷ Bat olketa tok olsem, “Hem nao hemi gohed fo askem plande kuestin long mifala abaotem mifala wetem olketa famili blong mifala ya. Hemi ask olsem, ‘?Dadi blong yufala hemi stap yet? ?Yufala garem eni narafala brata moa?’ Mifala ansarem nomoa olketa kuestin blong hem ya. ?Hao nao bae mifala save dat bae hemi askem mifala fo tekem brata blong mifala ya fo go long hem?”

Jenesis 43:7 Iomraidhean Croise

Jenesis 42:11

Mifala evriwan i brata ya, an mifala garem wanfala dadi nomoa. Mifala no kam fo luksave long ples. !Mifala kam long stretfala wei nomoa ya!”

Jenesis 42:13

Nao olketa tok olsem, “Masta, mifala ya olketa pikinini blong wanfala man nomoa wea mifala stap long Kenan. Fastaem mifala tuelfala ya, bat wanfala brata blong mifala hemi lus, an lasbon blong mifala hemi stap kam wetem dadi blong mifala long hom.”

Jenesis 43:27

Nao hemi askem olketa olsem, “?Waswe, yufala oraet? An lastaem, yufala talem mi abaotem olfala dadi blong yufala. ?Waswe, hemi oraet nomoa?”

Jenesis 43:3

Bat Jiuda hemi tok olsem long hem, “Dadi, bikman ya long Ijip hemi tokstrong long mifala, hemi sei neks taem mifala kam, sapos brata blong mifala ya hemi no kam wetem mifala, bae hemi nating laek fo lukim fes blong mifala moa ya.

Jenesis 43:6

Nao Jekob hemi tok olsem, “?Waswe nao yufala talemaot long man ya wea yufala garem narafala brata? !Yufala mekem staka trabol fo mi nao ya!”

Jenesis 44:19

Lastaem, yu bin askem mifala olsem, ‘?Waswe, dadi blong yufala hemi stap yet? ?Yufala garem narafala brata moa hemi stap?’