Jenesis 43:5 - Pijin Bible

⁵ Bat sapos yu no letem, bae mifala no save go, bikos man ya hemi tok olsem, ‘Neks taem yufala kam, an sapos brata blong yufala ya hemi no kam wetem yufala, bae mi nating laek fo lukim fes blong yufala moa long hia.’”

Pijin Deuterocanon

⁵ Bat sapos yu no letem, bae mifala no save go, bikos man ya hemi tok olsem, ‘Neks taem yufala kam, an sapos brata blong yufala ya hemi no kam wetem yufala, bae mi nating laek fo lukim fes blong yufala moa long hia.’”

Jenesis 43:5 Iomraidhean Croise

Jenesis 42:15

!Mi mas faendaot wea yufala toktru! Oraet, hemi tru long nem blong king, wea mi talem tru samting long yufala. Sapos lasbon blong yufala hemi no kam long ples ya, bae yufala no save goaot moa nao ya.

Jenesis 42:20

Bat yufala mas tekem kam lasbon brata blong yufala ya fo kam long mi, mekem mi lukim hem. Long wei ya, bae yufala save somaot dat toktok blong yufala ya hemi tru, nao bae mi no kilim yufala dae.” Nao olketa brata ya i agri long toktok blong hem,

Jenesis 42:38

Bat dadi blong olketa hemi tok olsem, “!Nomoa! Mi no save letem pikinini blong mi ya fo go wetem yufala. Barava brata blong hem hemi dae finis nao, an hem seleva nomoa wanfala wea hemi stap hu hemi bon long waef blong mi Resel. Maet wanfala nogud samting bae hemi kasem hem moa long rod. Mi olfala tumas nao, an sapos yu mekem eni nogud samting fo kasem hem, bae mi dae nomoa long sore ya.”

Jenesis 43:3

Bat Jiuda hemi tok olsem long hem, “Dadi, bikman ya long Ijip hemi tokstrong long mifala, hemi sei neks taem mifala kam, sapos brata blong mifala ya hemi no kam wetem mifala, bae hemi nating laek fo lukim fes blong mifala moa ya.

Jenesis 43:4

So sapos yu letem brata blong mifala ya fo hemi go wetem mifala, bae mifala save go fo baem kaikai.

Jenesis 43:6

Nao Jekob hemi tok olsem, “?Waswe nao yufala talemaot long man ya wea yufala garem narafala brata? !Yufala mekem staka trabol fo mi nao ya!”

Jenesis 44:23

Nao yu tok olsem, ‘Oraet, sapos brata blong yufala ya hemi no kam wetem yufala, bae mi nating wande fo lukim fes blong yufala moa long hia.’

Jenesis 44:25

Nao bihaen, taem dadi blong mifala hemi talem long mifala olsem, ‘Oraet, yufala godaon moa long Ijip an baem kam lelebet kaikai fo yumi moa,’

Jenesis 44:26

bat mifala tok olsem, ‘Mifala no save go. Man ya longwe hemi talem finis long mifala olsem, “Sapos lasbon brata blong yufala ya hemi no kam wetem yufala, mi nating wande fo lukim fes blong yufala moa.” So hemi mas go wetem mifala nao ya. Hem nomoa wanfala wei fo mifala ya. Sapos nomoa, bae mifala no go nao.’

Eksodas 20:12

“Yufala mas tinghae long dadi an mami blong yufala, mekem yufala save laef fo longtaem long lan wea bae mi Yawe, God blong yufala, mi givim long yufala.