Jenesis 42:13 - Pijin Bible

¹³ Nao olketa tok olsem, “Masta, mifala ya olketa pikinini blong wanfala man nomoa wea mifala stap long Kenan. Fastaem mifala tuelfala ya, bat wanfala brata blong mifala hemi lus, an lasbon blong mifala hemi stap kam wetem dadi blong mifala long hom.”

Pijin Deuterocanon

¹³ Nao olketa tok olsem, “Masta, mifala ya olketa pikinini blong wanfala man nomoa wea mifala stap long Kenan. Fastaem mifala tuelfala ya, bat wanfala brata blong mifala hemi lus, an lasbon blong mifala hemi stap kam wetem dadi blong mifala long hom.”

Jenesis 42:13 Iomraidhean Croise

Jenesis 37:30

Hemi gobaek long olketa narafala brata blong hem, an hemi tok olsem, “!Ei, olketa! !Josef hemi nomoa long wel ya nao! ?Bae wanem nao mi duim?”

Jenesis 42:11

Mifala evriwan i brata ya, an mifala garem wanfala dadi nomoa. Mifala no kam fo luksave long ples. !Mifala kam long stretfala wei nomoa ya!”

Jenesis 42:12

Nao hemi tok olsem moa long olketa, “!Nomoa! !Yufala kam fo faendaot nomoa abaotem mifala ya!”

Jenesis 42:14

Bat hemi tok olsem, “!Mi talem finis nao! !Yufala kam nomoa fo luksave long ples ya!

Jenesis 42:32

Mifala ya olketa pikinini blong wanfala dadi nomoa ya. Fastaem, mifala tuelfala ya, bat wanfala brata blong mifala hemi lus, an lasbon blong mifala hemi stap yet wetem dadi blong mifala long Kenan.’

Jenesis 42:36

Nao hemi tok olsem long olketa, “?Waswe, yufala laekem nomoa fo mi lusim olketa pikinini blong mi ya? !Josef hemi lus finis! !An Simion hemi lus finis tu! ?An distaem, yufala laek fo tekem Benjamin moa? !Evri trabol ya hemi kam fo spoelem mi nomoa!”

Jenesis 42:38

Bat dadi blong olketa hemi tok olsem, “!Nomoa! Mi no save letem pikinini blong mi ya fo go wetem yufala. Barava brata blong hem hemi dae finis nao, an hem seleva nomoa wanfala wea hemi stap hu hemi bon long waef blong mi Resel. Maet wanfala nogud samting bae hemi kasem hem moa long rod. Mi olfala tumas nao, an sapos yu mekem eni nogud samting fo kasem hem, bae mi dae nomoa long sore ya.”

Jenesis 43:29

Nao taem Josef hemi lukim barava brata blong hem ya Benjamin, wea tufala bon long wanfala mami, hemi ask olsem, “?O, ating hem ya nao lasbon brata blong yufala, wea yufala bin talem mi abaotem lastaem?” Nao hemi tok olsem long Benjamin, “Pikinini blong mi, letem God hemi givim gudfala laef long yu.”

Jenesis 43:7

Bat olketa tok olsem, “Hem nao hemi gohed fo askem plande kuestin long mifala abaotem mifala wetem olketa famili blong mifala ya. Hemi ask olsem, ‘?Dadi blong yufala hemi stap yet? ?Yufala garem eni narafala brata moa?’ Mifala ansarem nomoa olketa kuestin blong hem ya. ?Hao nao bae mifala save dat bae hemi askem mifala fo tekem brata blong mifala ya fo go long hem?”

Jenesis 44:20

An mifala tok olsem, ‘Ya, dadi blong mifala hemi stap nomoa, bat hemi olo finis nao. An lasbon brata blong mifala hemi stap nomoa, wea hemi bon taem dadi blong mifala hemi olo finis nao. Mami blong lasbon ya hemi bonem tufala pikinini boe nomoa, bat fasbon hemi lus finis, an lasbon ya nomoa hemi stap. An dadi blong mifala hemi lavem hem tumas.’

Jenesis 44:28

Wanfala long tufala hemi lus from mi finis. Ating olketa wael animol nao i kaikaim hem, bikos taem hemi goaot from mi, mi no lukim hem moa ka-kam kasem tude.

Jenesis 45:26

Taem olketa kasem hom, olketa tok olsem long hem, “!Dadi! !Josef hemi no dae ya! !Hemi laef nomoa, an distaem, hem nao hemi gohed fo lukaftarem evri ples long Ijip!” An dadi blong olketa hemi barava seke fogud long toktok ya bat hemi nating save bilivim olketa.

Jeremaea 31:15

Yawe nao hemi gohed fo tok olsem, “Olketa herem go noes long Rama, an disfala noes hemi bikfala krae ya. Resel hemi krae nao fo olketa pikinini blong hem. An hemi had fo eniwan fo mekem hem filgud moa, bikos olketa pikinini blong hem, olketa no stap nao.

Lamentesin 5:7

Olketa grani blong mifala long bifoa i sin, bat olketa evriwan i dae finis, an distaem mifala safa nomoa from sin blong olketa.

Matiu 2:16

Taem Herod hemi save dat olketa man blong ist ya olketa bin trikim hem, hemi barava kros fogud nao. So hemi sendem olketa soldia blong hem fo go long Betlehem an long olketa nara ples long eria ya moa, an olketa kilim dae evri pikinini boe hu olketa kasem tufala yia nomoa an olketa smolwan go moa. Herod hemi duim olsem, bikos hemi falom disfala taem wea olketa man blong ist ya olketa talem olketa bin lukim sta long hem fastaem ya.

Matiu 2:18

“Olketa herem go noes long Rama, an disfala noes ya hemi bikfala krae ya. Resel nao hemi krae fo olketa pikinini blong hem. An hemi had fo eniwan fo mekem hem filgud moa, bikos olketa pikinini blong hem, olketa no stap nao.”