Jenesis 42:10 - Pijin Bible

¹⁰ Bat olketa tok olsem, “Nomoa ya masta, hemi no olsem ya. Mifala kam olsem olketa wakaman blong yu nomoa ya. Mifala kam nomoa fo baem kaikai fo mifala.

Pijin Deuterocanon

¹⁰ Bat olketa tok olsem, “Nomoa ya masta, hemi no olsem ya. Mifala kam olsem olketa wakaman blong yu nomoa ya. Mifala kam nomoa fo baem kaikai fo mifala.

Jenesis 42:10 Iomraidhean Croise

Jenesis 27:29

“Letem olketa pipol blong olketa narafala kantri i waka fo yu, an olketa pipol blong olketa narafala ples i baodaon long yu. Letem yu bos long olketa brata blong yu, an olketa baodaon long yu. “Letem man wea i mekem trabol fo kasem yu, trabol mas kasem hem, bat man wea i askem God fo blesim yu, God mas blesim hem.”

Jenesis 27:37

Nao dadi blong hem hemi tok olsem, “Mi askem God finis fo hemi mekem brata blong yu ya fo hemi masta blong yu, an olketa famili blong yu wetem olketa pikinini wea bae olketa kamaot bihaen, bae olketa kamap slev blong hem moa. An mi askem God fo hemi givim kaikai an waen long hem. Pikinini blong mi, no enisamting moa hemi stap wea mi save askem God moa fo hemi givim long yu.”

Jenesis 37:8

Nao olketa tok olsem long hem, “?Waswe, yu tingse bae yu kamap king, an yu bosim mifala?” Nao olketa gohed fo agensim hem moa from olketa drim blong hem ya, an from olketa toktok wea hemi bin talem.

Jenesis 42:11

Mifala evriwan i brata ya, an mifala garem wanfala dadi nomoa. Mifala no kam fo luksave long ples. !Mifala kam long stretfala wei nomoa ya!”

Jenesis 44:9

!Yu trae fo lukaotem! Sapos yu faendem kap ya long wanfala long mifala, oraet bae hemi mas dae nao. An mifala olketa narawan, bae mifala mas kamap slev blong masta blong yu nao.”

1 Kings 18:7

Taem Obadaea hemi gohed fo wakabaot go, hemi lukim Profet Elaeja. Hemi luksave long hem, an hemi baodaon wea fes blong hem hemi kasem graon, an hemi askem hem olsem, “?Masta Elaeja, yu nao ya?”

1 Samuel 26:17

Nao Sol hemi heremsave voes blong hem, an hemi ask olsem, “!Deved, pikinini blong mi! ?Waswe, hemi voes blong yu nao mi herem?” An hemi ansa olsem, “Ya, masta an king blong mi. Mi nao ya.