Jenesis 42:1 - Pijin Bible

¹ Long taem ya, Jekob an olketa wetem hem i stap kam longwe long Kenan, an taem hemi herem dat olketa salem wit long Ijip, hemi tok olsem long olketa pikinini blong hem, “?Waswe nao yufala no duim enisamting?

Pijin Deuterocanon

¹ Long taem ya, Jekob an olketa wetem hem i stap kam longwe long Kenan, an taem hemi herem dat olketa salem wit long Ijip, hemi tok olsem long olketa pikinini blong hem, “?Waswe nao yufala no duim enisamting?

Jenesis 42:1 Iomraidhean Croise

Jenesis 41:54

Sevenfala yia ya long hanggre an hadtaem fo garem kaikai hemi kamap nao, an hemi barava olsem wea Josef hemi bin talem bifoa. An long olketa narafala kantri, olketa pipol i no garem kaikai nao, bat long Ijip staka kaikai hemi stap.

Jenesis 41:57

Olketa pipol blong evri narafala kantri tu i kam long Ijip fo baem wit, bikos hadtaem long hanggre ya hemi kasem evri ples long wol nao.

Jenesis 42:2

Mi bin herem dat olketa salem wit long Ijip. So yufala mas go an baem kam samfala kaikai fo yumi, nogud yumi dae long hanggre.”

1 Kings 19:3

Den Elaeja hemi fraet tumas, so hemi ranawe fo sevem laef blong hem. Hemi tekem wakaman blong hem, an tufala go long saot long Jiuda. Nao hemi letem wakaman ya fo stap long taon long Beereseba.

Esra 10:4

Waka fo stretem trabol ya hemi stap long han blong yu. Yu gohed an yu stretem. Bae mifala sapotem yu.”

Eksodas 20:18

Taem olketa pipol herem tanda an bikfala saon blong trampet, an lukim laetning an smok ya wea hemi kavaremap bikfala maonten ya, olketa fraet tumas an seksek fogud. So, olketa no go kolsap long maonten ya nao.

Eksodas 5:19

Taem king hemi talem olketa fo mekem sem namba long brik nomoa olsem bifoa, olketa bos ya i heresave dat bikfala trabol hemi kasem olketa nao.

Jeremaea 8:14

Nao olketa pipol blong God gohed fo tok olsem, “?Waswe nao yumi gohed fo sidaon no olsem? Kam, yumi ranawe an go haed long olketa taon wea i garem wolston raonem, mekem yumi dae long olketa ples ya. Yawe God blong yumi hemi jajem yumi finis wea yumi mas dae. Hemi olsem hemi givim poesen long yumi fo yumi dringim, bikos yumi sin agensim hem.

Hosia 5:13

“Taem olketa blong Israel i lukim dat olketa seleva i wik tumas, olsem wea bikfala sik hemi kasem olketa, bae olketa go askem bikfala king blong kantri blong Asiria fo helpem olketa. Bat king ya bae hemi no save kiurim disfala sik. An taem olketa blong Jiuda i lukim dat olketa seleva i wik tumas, olsem wea olketa garem staka soa, bae olketa tu i go askem bikfala king blong Asiria fo helpem olketa. Bat king bae hemi no save hilim olketa soa ya.

Aposol 7:12

Taem Jekob hemi herem dat plande kaikai hemi stap nomoa long Ijip, hemi sendem olketa olo blong yumi fo go kasem Ijip long tufala taem.

Galesia 2:7

Nomoa nao. Olketa luksave nao dat God hemi givim mi waka fo talemaot Gudnius long olketa pipol hu i no Jiu, long sem wei wea hemi givim waka long Pita fo talemaot Gudnius long olketa Jiu.

Josua 7:10

Yawe hemi tok olsem long Josua, “!Yu getap! ?Waswe nao yu gohed fo leidaon nomoa long graon olsem?