Jenesis 41:54 - Pijin Bible

⁵⁴ Sevenfala yia ya long hanggre an hadtaem fo garem kaikai hemi kamap nao, an hemi barava olsem wea Josef hemi bin talem bifoa. An long olketa narafala kantri, olketa pipol i no garem kaikai nao, bat long Ijip staka kaikai hemi stap.

Pijin Deuterocanon

⁵⁴ Sevenfala yia ya long hanggre an hadtaem fo garem kaikai hemi kamap nao, an hemi barava olsem wea Josef hemi bin talem bifoa. An long olketa narafala kantri, olketa pipol i no garem kaikai nao, bat long Ijip staka kaikai hemi stap.

Jenesis 41:54 Iomraidhean Croise

Jenesis 41:27

Olketa sevenfala buluka ya wea i bon nating, wea olketa kamaot from wata ya bihaen, an sevenfala smolfala bans long wit wea i drae tumas an i kolsap dae, hemi minim sevenfala yia long hanggre an hadtaem fo garem kaikai.

Jenesis 41:30

Bat bihaen, sevenfala yia long hanggre an hadtaem fo garem kaikai bae hemi kam. An long taem ya, bae olketa pipol i no save tingim nao taem wea olketa bin garem staka kaikai, bikos hadtaem ya bae hemi spoelem kantri ya fogud.

Jenesis 41:53

Oraet, sevenfala yia ya wea olketa gaden i garem plande kaikai, an wea olketa pipol long Ijip i hapi long disfala gudtaem ya, hemi finis nao.

Jenesis 42:2

Mi bin herem dat olketa salem wit long Ijip. So yufala mas go an baem kam samfala kaikai fo yumi, nogud yumi dae long hanggre.”

Jenesis 43:1

Nao hadtaem ya fo garem kaikai hemi kamap strong moa long Kenan,

Jenesis 45:11

Sapos yufala kam an stap long Gosen, bae mi save lukaftarem yu gudfala. Hadtaem ya long hanggre bae hemi gohed yet fo faefala yia moa ya, an mi no laekem fo yu wetem olketa brata blong mi, an olketa animol blong yufala, bae i dae long hanggre.’”

Jenesis 47:13

Nao hadtaem ya fo garem kaikai hemi gohed fo kamap strong moa, an no eni kaikai hemi stap nao long olketa gaden. Nao hanggre ya hemi kamap barava nogud tumas nao long olketa pipol long Ijip an olketa long Kenan tu.

2 Kings 8:1

Bifoa, Profet Elaesa hemi bin wonem woman blong Sunem wea pikinini blong hem hemi bin dae, an profet hemi mekem hemi fo laef baek. Hemi bin tok olsem. “Yawe hemi talem dat evriwea long Israel bae garem taem blong hanggre. Hadtaem ya bae gohed long sevenfala yia. Hemi gud fo yu wetem famili blong yu, fo goaot from ples blong yufala an go stap long narafala kantri.”

Sams 105:16

Yawe hemi sendem kam hadtaem long hanggre long lan blong olketa, an hemi tekemaot tu evri kaikai blong olketa.

Aposol 7:11

Go-go, wanfala taem blong bikfala hanggre hemi kasem evriwea long Ijip an long kantri long Kenan tu. Hemi mekem plande pipol fo garem hadtaem tumas an olketa olo blong yumi tu i nating garem eni kaikai nao.