Jenesis 41:30 - Pijin Bible

³⁰ Bat bihaen, sevenfala yia long hanggre an hadtaem fo garem kaikai bae hemi kam. An long taem ya, bae olketa pipol i no save tingim nao taem wea olketa bin garem staka kaikai, bikos hadtaem ya bae hemi spoelem kantri ya fogud.

Pijin Deuterocanon

³⁰ Bat bihaen, sevenfala yia long hanggre an hadtaem fo garem kaikai bae hemi kam. An long taem ya, bae olketa pipol i no save tingim nao taem wea olketa bin garem staka kaikai, bikos hadtaem ya bae hemi spoelem kantri ya fogud.

Jenesis 41:30 Iomraidhean Croise

Jenesis 41:21

Bat no eniwan save luksave nomoa dat olketa ya i kaikaim finis olketa bikfala buluka ya, bikos olketa i bon nating nomoa, barava olsem long fastaem ya. Bihaen mi wekap.

Jenesis 41:27

Olketa sevenfala buluka ya wea i bon nating, wea olketa kamaot from wata ya bihaen, an sevenfala smolfala bans long wit wea i drae tumas an i kolsap dae, hemi minim sevenfala yia long hanggre an hadtaem fo garem kaikai.

Jenesis 41:31

Evri pipol bae i fogetem gudfala taem ya wea olketa garem fastaem, bikos disfala hanggre wea hemi kamap bihaen bae hemi barava nogud tumas.

Jenesis 41:51

Taem fasbon blong hem hemi bon, Josef hemi tok olsem, “God hemi mekem mi save fogetem nao evri hadwaka blong mi long Ijip, an evri nogud samting wea olketa long famili blong dadi blong mi i bin duim long mi.” So hemi kolem pikinini ya Manase.

Jenesis 41:54

Sevenfala yia ya long hanggre an hadtaem fo garem kaikai hemi kamap nao, an hemi barava olsem wea Josef hemi bin talem bifoa. An long olketa narafala kantri, olketa pipol i no garem kaikai nao, bat long Ijip staka kaikai hemi stap.

Jenesis 41:56

Nao taem hadtaem long hanggre ya hemi kamap nogud tumas, Josef hemi openem olketa stoa haos ya an hemi letem olketa pipol fo kam an baem wit long olketa ples ya.

Jenesis 47:13

Nao hadtaem ya fo garem kaikai hemi gohed fo kamap strong moa, an no eni kaikai hemi stap nao long olketa gaden. Nao hanggre ya hemi kamap barava nogud tumas nao long olketa pipol long Ijip an olketa long Kenan tu.

2 Samuel 24:13

Gad hemi kam lukim hem, an hemi tok olsem, “Trifala panis ya hemi olsem. Wanfala, taem blong hanggre bae hemi gohed evriwea long kantri blong yumi fo trifala yia. Narawan, bae yu ra-ranawei from olketa enemi blong yu fo trifala mans. Narawan moa, bae wanfala ravis sik nao hemi spoelem kantri blong yumi fo trifala de. Oraet, yu mas siusim watkaen panis yu laekem long trifala ya. Yu mas tingting gudfala abaotem, an yu mas givim kam ansa long mi distaem nao, mekem mi go talem long Yawe hu hemi bin sendem mi kam.”

1 Kings 17:1

Profet Elaeja hemi man blong Tisbe long Gilead. Nao hemi tok olsem long King Ehab, “Olsem Yawe, God blong Israel, hemi laef olowe, mi tok tru long yu. Mi wakaman blong hem, an mi talem stret long yu, bae hemi no ren fo tu-tri yia. An nomata diu wea i foldaon long naet, bae hemi no save foldaon tu. Bae hemi olsem go-go mi talem hem fo ren.”

2 Kings 8:1

Bifoa, Profet Elaesa hemi bin wonem woman blong Sunem wea pikinini blong hem hemi bin dae, an profet hemi mekem hemi fo laef baek. Hemi bin tok olsem. “Yawe hemi talem dat evriwea long Israel bae garem taem blong hanggre. Hadtaem ya bae gohed long sevenfala yia. Hemi gud fo yu wetem famili blong yu, fo goaot from ples blong yufala an go stap long narafala kantri.”

Sams 105:16

Yawe hemi sendem kam hadtaem long hanggre long lan blong olketa, an hemi tekemaot tu evri kaikai blong olketa.

Provebs 31:7

Kaen pipol save spaka an fogetem ravis laef blong olketa, an no tingim wei wea olketa filnogud tumas.

Aesaea 65:16

Sapos eniwan long kantri ya hemi ask fo blesing, bae hemi askem long nem blong God hu Hemi Toktru. An sapos eniwan hemi mekem strongfala promis, bae hemi promis long nem blong God hu Hemi Toktru. Evri trabol wea hemi kasem olketa bifoa, bae hemi finis nao, an bae mi no save tingim tu.”

Gudnius abaotem Jisas Kraes wea Luk hemi raetem 4:25

“Mi talem yufala, long taem blong profet Elaeja, hemi no ren fo trifala yia an siksfala mans, go-go bikfala taem blong hanggre hemi kamap nao. An long taem ya, plande wido woman olketa stap nomoa long Israel,

Jemes 5:17

Profet Elaeja hemi wanfala man olsem yumi nomoa. Bat hemi prea strong long God fo stopem ren, an hemi no ren long ples blong olketa fo trifala yia an siksfala mans.