Jenesis 40:5 - Pijin Bible

⁵ Wanfala naet, taem tufala stap yet long prisin, tufala drim, wea mining blong tufala drim ya hemi narakaen nao.

Pijin Deuterocanon

⁵ Wanfala naet, taem tufala stap yet long prisin, tufala drim, wea mining blong tufala drim ya hemi narakaen nao.

Jenesis 40:5 Iomraidhean Croise

Jenesis 20:3

Nao long wanfala naet, Yawe hemi kam long king ya long wanfala drim, hemi tok olsem long hem, “!Bae yu dae ya! Bikos disfala woman wea yu bin tekem ya, hemi marit woman ya.”

Jenesis 40:1

Nao bihaen lelebet, tufala wakaman blong king i mekem king ya hemi kros tumas long tufala. Tufala ya, wanfala hemi bos long olketa man fo lukaftarem waen blong king, an narafala hemi bos long olketa man fo mekem bred blong hem.

Jenesis 40:4

Nao Potifa hemi putum tufala ya long han blong Josef, mekem hemi lukaftarem tufala, an tufala stap longtaem lelebet insaet long prisin ya.

Jenesis 40:6

Nao long moning, taem Josef hemi kam fo lukim tufala, hemi lukim dat tufala ya i gohed fo wari tumas.

Jenesis 40:8

An tufala tok olsem, “Yu save, lasnaet, mitufala drim, bat no eni man long ples ya hemi save talemaot mining blong tufala drim ya long mitufala.” Nao hemi tok olsem long tufala ya, “God seleva nomoa hemi garem paoa fo talemaot mining blong drim. Bat yutufala traem fo talem kam tufala drim ya long mi.”

Jenesis 41:11

Wanfala naet, mitufala i drim, an mining blong tufala drim blong mitufala ya hemi barava narakaen olketa nao.

Esta 6:1

Long sem naet tu, king hemi no save slip, an hemi talem olketa wakaman blong hem fo go tekem kam buk wea olketa bin raetemdaon olketa bikfala samting wea hemi hapen insaet long kingdom blong hem, an ridim kam long hem.

Daniel 4:19

Daniel, wea narafala nem blong hem nao Beltesasa, hemi fraet tumas fo talemaot mining blong samting ya. So king hemi tok olsem long hem, “Beltesasa, yu no fraet. Yu no letem drim ya, o mining blong hem hemi fraetem yu.” So Beltesasa hemi tok olsem, “King, hemi gud sapos drim ya an mining blong hem hemi kasem olketa enemi blong yu, bat i no yu.

Daniel 4:5

Bat wanfala taem, taem mi slip, mi lukim wanfala drim wea hemi mekem mi barava fraet fogud, an mi wari fogud tu.

Daniel 4:9

Beltesasa, yu hedman long evri waes man. Mi save dat spirit blong olketa tambu god hemi stap long yu, an no enisamting wea hemi staphaed hemi had long yu. Hem ya nao drim blong mi. An mi laekem yu fo talemaot kam mining blong hem long mi.

Nambas 12:6

An hemi tok olsem, “!Yutufala lisin kam long toktok blong mi! “Sapos eni profet hemi stap wetem yufala, bae mi kam long hem long olketa spesol drim, an bae mi toktok wetem hem long olketa drim blong hem.