Jenesis 4:26 - Pijin Bible

²⁶ Nao bihaen, Set tu hemi bonem wanfala pikinini boe, an hemi kolem hem Enos. Long taem ya nao, pipol i jes stat fo yusim tambu nem blong Yawe long wosip blong olketa.

Pijin Deuterocanon

²⁶ Nao bihaen, Set tu hemi bonem wanfala pikinini boe, an hemi kolem hem Enos. Long taem ya nao, pipol i jes stat fo yusim tambu nem blong Yawe long wosip blong olketa.

Jenesis 4:26 Iomraidhean Croise

Jenesis 12:8

Long bihaen, hemi muv go long olketa hil wea hemi stap long ist long taon ya wea olketa kolem Betel. Nao Ebram hemi mekem ples blong hem long midol long tufala taon wea olketa kolem Betel an Ai, wea Betel hemi stap long west saet an Ai hemi stap long ist saet. Nao long ples ya tu, hemi wakem wanfala olta, an hemi wosipim Yawe long hem.

Jenesis 26:25

Nao long ples ya, Aesak hemi wakem wanfala olta, an hemi wosipim Yawe. Nao hemi mekem ples blong hem long ples ya, an olketa wakaman blong hem olketa digim wanfala narafala wel moa fo olketa.

1 Kings 18:24

Den bae olketa ya prea go long god blong olketa, an mi bae mi prea go long Yawe. An God hu hemi sendem kam faea, hem nao hemi God.” Den olketa ya singaot bikfala olsem, “!Wanem yu talem, hemi stret nomoa!”

Sams 116:17

Bae mi mekem sakrifaes fo tengkiu long yu. Ya, bae mi prea fo tengkiu long yu.

Aesaea 44:5

Bikos mi blesim yufala olsem, samfala pipol blong olketa narafala kantri bae i kam an talem dat mi Yawe nomoa olketa wosipim. An bae olketa joenem yufala long laen blong Jekob, an raetem disfala toktok long han blong olketa, ‘Mi nao blong Yawe’, fo somaot dat olketa ya i blong mi. Ya, olketa bae i kolem olketa seleva pipol blong Israel.”

Aesaea 48:1

(Profet) !Lisin kam long disfala toktok, yufala olketa pipol blong Israel hu i bon kam long traeb blong Jiuda, san blong Jekob! Yufala mekem strongfala promis long nem blong Yawe, an talem dat yufala wosipim nomoa God blong Israel. Oltaem yufala tokpraod tumas wea yufala nao i pipol blong holi taon blong hem. An yufala talem dat yufala dipen long God blong Israel wea nem blong hem nao Yawe hu hemi garem evri paoa. Bat yufala barava laea fogud ya. Yufala nating falom tru an stretfala wei blong hem.

Aesaea 63:19

Fo longtaem nao, mifala bin olsem nomoa olketa pipol wea yu no bin rul ovarem. Ya, hemi olsem wea mifala i no spesol pipol blong yu.

Jeremaea 33:16

Long taem wea hemi rul olsem king, bae hemi sevem olketa blong mi long Jiuda, an olketa blong mi long Jerusalem bae i stap sef. An nem blong hem bae olketa kolem hem, hemi olsem, ‘Yawe Sedekenu.’

Joel 2:32

“Bat evriwan hu i prea kam long nem blong mi Yawe fo mi helpem olketa, bae mi sevem olketa. Mi promis finis dat long tambu maonten blong mi ya Saeon an long taon blong mi ya Jerusalem, bae samfala pipol i laef yet long hem. Olketa ya nao i pipol wea mi Yawe bin siusim finis fo sevem olketa.”

Sefenaea 3:9

?Bae mi mekem toktok blong olketa pipol blong olketa kantri fo kamap stret, mekem olketa prea kam long mi Yawe nomoa. An bae olketa ya save obeim mi tugeta.

Gudnius abaotem Jisas Kraes wea Luk hemi raetem 3:38

Kenan hemi san blong Enos. Enos hemi san blong Set. Set hemi san blong Adam. An Adam hemi san blong God.

Aposol 11:26

Taem hemi faendem hem, hemi tekem hem kambaek moa long Antiok. An long wanfala ful yia nao, Banabas an Sol tufala stap tugeta wetem olketa long sios, an tufala gohed fo tisim plande pipol tumas ya. Long Antiok nao hemi fas ples wea olketa stat fo kolem olketa disaepol long disfala nem Kristin.

Aposol 2:21

Bat evriwan hu hemi prea long nem blong Masta bae mi sevem hem ya.” ’

Leta wea Pol hemi raetem go long sios long Rom 10:13

Hemi olsem Buktambu hemi sei, “Evriwan hu i prea go long Masta fo hemi helpem olketa, bae hemi sevem olketa.”

1 Korin 1:2

mitufala raet go long yufala long sios blong God long Korin. God hemi kolem yufala fo stap olsem olketa spesol pipol blong hem, an hemi mekem yufala kamap holi from yufala stap joen wetem Jisas Kraes. Hemi duim diswan tu long olketa evriwan long evri ples, hu olketa prea go long Jisas Kraes Masta blong yumi. Jisas nao hemi Masta blong olketa an blong yumi evriwan.