Jenesis 4:2 - Pijin Bible

² An bihaen, hemi bonem narafala pikinini boe blong hem moa, an hemi kolem hem Ebol. Nao Ebol hemi kamap man fo lukaftarem sipsip, an Kein hemi kamap man fo wakem gaden.

Pijin Deuterocanon

² An bihaen, hemi bonem narafala pikinini boe blong hem moa, an hemi kolem hem Ebol. Nao Ebol hemi kamap man fo lukaftarem sipsip, an Kein hemi kamap man fo wakem gaden.

Jenesis 4:2 Iomraidhean Croise

Jenesis 3:23

Nao God hemi putumaot man ya from gudfala ples ya long Iden. Fastaem, God hemi bin mekem man ya long graon, nao hemi mekem wea man ya hemi mas gohed fo wakem graon ya moa fo mekem gaden blong hem.

Jenesis 37:13

Nao dadi blong olketa Israel hemi tok olsem long Josef, “Mi laekem yu fo go long ples ya wea olketa brata blong yu i stap long hem fo lukaftarem olketa animol blong mi.” An hemi tok olsem, “Hem gud nomoa. Bae mi go.”

Jenesis 4:1

Nao Adam wetem waef blong hem Iv, tufala gohed fo slip tugeta, nao woman ya hemi babule an hemi bonem wanfala pikinini boe blong hem, an hemi tok olsem, “Yawe hemi helpem mi, nao mi garem wanfala pikinini boe.” Hemi kolem hem Kein.

Jenesis 4:3

Tufala gohed fo duim olsem go-go nao Kein hemi tekem samfala kaikai wea i kamaot long gaden blong hem an hemi givim go long Yawe olsem ofaring blong hem.

Jenesis 47:3

Nao king hemi askem olketa olsem, “?Watkaen waka nao yufala save duim?” An olketa tok olsem, “King, mifala i man fo lukaftarem sipsip nomoa ya, olsem olketa grani blong mifala bifoa.

Jenesis 9:20

Noa ya, hemi kamap man fo wakem gaden, an hemi fas man fo wakem plantesin long grep wea olketa gohed fo wakem waen long frut blong hem.

Sams 127:3

Olketa pikinini blong yumi, olketa nao wanfala presen wea Yawe hemi givim long yumi. Olketa ya i olsem wanfala gud samting wea hemi givim fo lukaftarem yumi.

Eksodas 3:1

Mosis hemi gohed fo lukaftarem olketa sipsip an olketa nanigot blong dadi-inlo blong hem Jetro, hu hemi prist long lan blong Midian. Long wanfala de, Mosis hemi lidim olketa animol go akros long drae eria, an hemi go kasem tambu maonten long Saenae.

Emos 7:15

Bat Yawe nao hemi tekem mi aot from waka blong mi, an hemi tokstrong long mi fo kam talemaot toktok blong hem fo yufala olketa pipol blong hem long Israel.

Gudnius abaotem Jisas Kraes wea Luk hemi raetem 11:50

So bikos hemi olsem, bae yufala olketa pipol blong distaem, bae God hemi panisim yufala from dae blong olketa profet wea olketa bin kilim olketa dae, stat kam taem disfala wol hemi jes stat.

Gudnius abaotem Jisas Kraes wea Luk hemi raetem 11:51

Olketa bin kilim dae evri profet, stat long disfala man Ebol an go kasem Sekaraea, disfala man wea olketa kilim hem dae kolsap long olta long Tambuhaos blong God. Tru mi talem yufala olketa pipol blong distaem, bae God hemi panisim yufala from dae blong olketa evriwan ya.

Gudnius abaotem Jisas Kraes wea Jon hemi raetem 8:44

Seitan nao hemi dadi blong yufala ya an yufala laek fo duim wanem disfala dadi blong yufala hemi laekem. Olowe nomoa, Seitan hemi save kilim man dae ya, an hemi nating laekem wanem hemi tru bikos hemi nating garem enisamting wea hemi tru long hem. Taem hemi laea long eniwan, hemi barava falom wei blong hem seleva nao ya, bikos hemi man fo laea an hemi barava dadi blong evri laea nao.

1 Jon 3:10

So wei blong man nao bae hemi somaot sapos hemi pikinini blong God o hemi pikinini blong Seitan. Bikos eniwan hu hemi no duim wanem hemi stret an hemi no lavem narafala Kristin, hemi no pikinini blong God nao.

1 Jon 3:12

So yumi mas no olsem Kein hu hemi blong Seitan an hemi kilim dae brata blong hem Ebol. ?An waswe nao Kein hemi kilim dae brata blong hem? Hemi kilim hem dae bikos wei blong hem seleva hemi nogud, bat wei blong brata blong hem hemi stret fogud.

1 Jon 3:15

Eniwan hu hemi heitem brata blong hem, hemi semsem olsem man hu hemi kilim dae nara man nao ya. An yumi save finis, man hu hemi kilim dae nara man, hemi nating garem disfala tru laef wea hemi no save finis.