Jenesis 4:1 - Pijin Bible

¹ Nao Adam wetem waef blong hem Iv, tufala gohed fo slip tugeta, nao woman ya hemi babule an hemi bonem wanfala pikinini boe blong hem, an hemi tok olsem, “Yawe hemi helpem mi, nao mi garem wanfala pikinini boe.” Hemi kolem hem Kein.

Pijin Deuterocanon

¹ Nao Adam wetem waef blong hem Iv, tufala gohed fo slip tugeta, nao woman ya hemi babule an hemi bonem wanfala pikinini boe blong hem, an hemi tok olsem, “Yawe hemi helpem mi, nao mi garem wanfala pikinini boe.” Hemi kolem hem Kein.

Jenesis 4:1 Iomraidhean Croise

Jenesis 3:15

Bae mi mekem yu an woman ya, fo yutufala no laekem yutufala, an bae yutufala gohed fo agensim yutufala. Pikinini wea bae hemi kamaot bihaen long yu, an pikinini wea bae hemi kamaot bihaen long woman ya, bae tufala gohed fo enemi long tufala. Nao pikinini blong hem ya bae hemi gohed fo brekem hed blong yu, an yu bae yu gohed fo baetem bihaen long lek blong hem.”

Jenesis 3:24

An hemi putum olketa enjel fo olketa gohed fo gad long saet long ist long gudfala ples ya long Iden. An olketa gad wetem olketa naef fo faet. Kaen naef ya, faea nao hemi gohed fo laet long olketa, an hemi gohed fo raon-raon satem ples ya. Yawe hemi duim diswan fo stopem olketa man fo no go kolsap long tri ya wea frut blong hem hemi save givim laef.

Jenesis 4:2

An bihaen, hemi bonem narafala pikinini boe blong hem moa, an hemi kolem hem Ebol. Nao Ebol hemi kamap man fo lukaftarem sipsip, an Kein hemi kamap man fo wakem gaden.

Jenesis 4:25

Nao Adam an Iv, tufala gohed fo slip tugeta, nao Iv hemi bonem narafala pikinini boe moa. An hemi tok olsem, “God hemi givim kam wanfala pikinini boe moa long mi, fo sensim Ebol wea Kein hemi kilim dae.” An hemi kolem hem Set.

Jenesis 5:29

Hemi tok olsem, “Pikinini ya bae hemi helpem yumi, mekem yumi res lelebet long olketa hadwaka blong yumi long graon ya, wea Yawe hemi jajem finis an hemi mekem kamap nogud.” Nao hemi kolem pikinini ya Noa.

Sams 127:3

Olketa pikinini blong yumi, olketa nao wanfala presen wea Yawe hemi givim long yumi. Olketa ya i olsem wanfala gud samting wea hemi givim fo lukaftarem yumi.

Nambas 31:17

So yufala mas kilim dae evri boe, an kilim dae tu evri woman hu i bin slip tugeta wetem eni man.

1 Jon 3:12

So yumi mas no olsem Kein hu hemi blong Seitan an hemi kilim dae brata blong hem Ebol. ?An waswe nao Kein hemi kilim dae brata blong hem? Hemi kilim hem dae bikos wei blong hem seleva hemi nogud, bat wei blong brata blong hem hemi stret fogud.