Jenesis 38:5 - Pijin Bible

⁵ An bihaen moa, hemi bonem wanfala pikinini boe moa, an hemi kolem hem Sela. Long taem wea pikinini ya hemi bon, tufala stap long narafala ples wea olketa kolem Kesib.

Pijin Deuterocanon

⁵ An bihaen moa, hemi bonem wanfala pikinini boe moa, an hemi kolem hem Sela. Long taem wea pikinini ya hemi bon, tufala stap long narafala ples wea olketa kolem Kesib.

Jenesis 38:5 Iomraidhean Croise

Jenesis 38:11

Nao Jiuda hemi tok olsem long wido ya, “Yu gobaek long haos blong dadi blong yu, an yu stap kuaet. An yu no marit moa, go-go lasbon blong mi ya Sela hemi bikfala.” Hemi toktok olsem bikos hemi fraet nogud bae Yawe hemi kilim dae lasbon ya tu, olsem wea hemi kilim dae finis tufala brata blong hem ya. So wido ya hemi gobaek long haos blong dadi blong hem nao.

Jenesis 38:26

Nao Jiuda hemi luksave long tufala samting ya, an hemi tok olsem, “!Saet blong woman ya hemi stret ya! Mi nao mi rong. Mi sapos fo tekem kam fo hemi maritim lasbon blong mi ya, bat mi no duim.” Bihaen, hemi no slip moa wetem woman ya.

Jenesis 38:6

Bihaen, Jiuda hemi gohed fo lukaotem wanfala gele fo boe ya blong hem Era, nao hemi tekem kam wanfala gele wea nem blong hem Tamara, an boe ya hemi maritim hem.

Jenesis 46:12

An narafala nao Jiuda, wetem olketa pikinini blong hem, wea nem blong olketa nao, Sela, an Peres, an Jera. Tufala narafala pikinini blong hem wea nem blong tufala nao Era an Onan, tufala dae finis long Kenan. Tufala pikinini blong Peres, nem blong tufala nao, Hesron an Hamul.

1 Kronikols 2:3

Jiuda hemi garem faefala san. Waef blong hem, Batsua hu hemi woman blong Kenan, hemi bonem trifala san wea nem blong trifala i Era, an Onan, an Sela. Fasbon nao hemi Era, an hemi wanfala man wea hemi duim olketa barava nogud samting long ae blong Yawe, so Yawe hemi kilim hemi dae.

1 Kronikols 4:21

Sela hu hemi san blong Jiuda, hemi garem olketa long laen blong hem olsem: Era wea hemi statem taon long Leka. An Lada wea hemi statem taon long Maresa. An olketa blong taon long Bet-Asbea hu i save wakem nambawan waet kaleko.

Nambas 26:19

Traeb blong Jiuda hemi garem laen blong Sela, an laen blong Peres, an laen blong Sera. Nao long laen blong Peres ya, hemi garem tufala smol laen olsem, laen blong Hesron an laen blong Hamul. An namba blong olketa man long olketa laen blong Jiuda i kasem 76,500. Bifoa kam Jiuda hemi garem nara tufala pikinini bat tufala dae long Kenan an no eni laen hemi kamaot from tufala. Nem blong tufala nao i Era an Onan.