Jenesis 38:23 - Pijin Bible

²³ Nao Jiuda hemi tok olsem, “!Letem hem kipim tufala samting ya. Hemi gud, nogud olketa pipol laf long yumi. Hemi rong blong hem nao. Mi sendem finis smol nanigot ya go long hem, bat yu no save faendem hem.”

Pijin Deuterocanon

²³ Nao Jiuda hemi tok olsem, “!Letem hem kipim tufala samting ya. Hemi gud, nogud olketa pipol laf long yumi. Hemi rong blong hem nao. Mi sendem finis smol nanigot ya go long hem, bat yu no save faendem hem.”

Jenesis 38:23 Iomraidhean Croise

Jenesis 38:22

So hemi kambaek long Jiuda, an hemi tok olsem long hem, “Mi no save faendem woman ya. An olketa pipol long Enaem olketa talem dat olketa nating garem eni juri woman long ples blong olketa.”

Jenesis 38:24

Oraet, kolsap tri mans hemi finis, nao nius hemi kasem Jiuda olsem, “Waef blong pikinini blong yu ya, hemi gohed fo kamap juri woman ya, an distaem, hemi babule nao.” An hemi tok olsem, “Yufala tekem hem go aotsaet long taon, an bonem hem dae.”

2 Samuel 12:9

?Waswe nao yu les tumas long toktok blong Yawe? ?Waswe nao yu duim nogud samting ya? !Yu nao yu mekem Yuraea fo dae long faet! !Yu nao yu letem olketa soldia blong Amon fo kilim hem dae! !An yu go tekem waef blong hem!

Provebs 6:33

Pipol bae wipim an meksem long hem, an nem blong hem bae nogud olowe nao.

Leta wea Pol hemi raetem go long sios long Rom 6:21

An yufala nating tekem eni gudfala samting nomoa from olketa sin wea yufala bin mekem. An distaem, yufala filsem nao long olketa samting ya. Olketa kaen wei ya, hemi mekem pipol fo dae nomoa.

2 Korin 4:2

Mifala lusim go olketa ravis wei wea hemi staphaed, an no save laea, an no save sensim toktok blong God. Nomoa nao. Mifala talemaot nomoa tru toktok olowe, mekem God an olketa pipol i luksave long gudfala wei blong mifala.

Efesas 5:12

Olketa ravis samting wea olketa save duimhaed ya, nomata fo tokabaotem, yumi barava filsem tumas long hem.

Revelesin 16:15

(Jisas hemi tok olsem, “!Yufala lisin gudfala! !Bae mi kambaek long yufala, olsem man fo stil hemi save kam! Man hu hemi lukaot olowe an hemi lukaftarem gud kaleko blong hem, bae hemi hapi long taem ya. Bikos hemi no neket, an bae hemi no filsem long ae blong olketa pipol.”)