Jenesis 37:3 - Pijin Bible

³ Nao bikos dadi blong olketa hemi bonem hem taem hemi olo finis, hemi lavem Josef moa winim olketa narafala brata blong hem ya. Nao hemi wakem wanfala longfala kaleko fo hem wea hemi barava spesol fogud.

Pijin Deuterocanon

³ Nao bikos dadi blong olketa hemi bonem hem taem hemi olo finis, hemi lavem Josef moa winim olketa narafala brata blong hem ya. Nao hemi wakem wanfala longfala kaleko fo hem wea hemi barava spesol fogud.

Jenesis 37:3 Iomraidhean Croise

Jenesis 37:23

Taem Josef hemi kam kolsap nomoa, olketa holem hem nao, olketa pulumaot longfala kaleko blong hem ya, an olketa torowem hem godaon long wanfala wel wea i drae finis.

Jenesis 37:31

Nao olketa tekem wanfala nanigot, olketa kilim dae, an olketa putum kaleko blong Josef long blad blong animol ya.

Jenesis 37:32

Bihaen, taem olketa tekem kaleko ya an gobaek long dadi blong olketa, olketa tok olsem long hem, “Dadi, mifala faendem kaleko ya. Yu lukgud long hem. ?Ating hemi kaleko blong Josef ya?”

2 Samuel 13:18

So hemi tekem hem go aotsaet, an hemi lokem doa ya. Long datfala taem, Tama hemi gohed fo werem wanfala nambawan naes kaleko wea olketa dota blong king i werem taem i no marit yet.

Esikiel 16:16

Yu yusim samfala long olketa barava spesol kaleko blong yu fo dekoretem long olketa tambuples wea yu wosipim olketa kaving long hem. An yu gohed fo sugarem olketa man fo kam long ples ya fo slip wetem yu.

Gudnius abaotem Jisas Kraes wea Jon hemi raetem 3:35

Dadi ya hemi lavem tumas disfala San blong hem, so hemi givim hem paoa ovarem evrisamting.