Jenesis 36:3 - Pijin Bible

³ An hemi maritim wanfala woman moa, wea nem blong hem nao Basemat, an dadi blong hem nao Ismael, hu hemi barava sista blong Nebaeot.

Pijin Deuterocanon

³ An hemi maritim wanfala woman moa, wea nem blong hem nao Basemat, an dadi blong hem nao Ismael, hu hemi barava sista blong Nebaeot.

Jenesis 36:3 Iomraidhean Croise

Jenesis 26:34

Taem Iso hemi kasem foti yia, hemi maritim tufala gele wea tufala bon kam long laen blong Het. Hemi tekem Jiudit wea i dota blong Beeri, an Basemat wea i dota blong Elon.

Jenesis 28:9

Iso hemi garem finis tufala waef ya, bat hemi go moa long Ismael wea dadi blong hem Ebraham, an hemi maritim wanfala dota blong hem, wea hemi kamap mektri waef blong hem. Gele ya, nem blong hem nao Mahalat, an hemi sista blong Nebaeot, hu hemi fasbon blong Ismael ya.

Jenesis 36:10

Olketa laen wea i bon kam long laen blong Iso hemi olsem. Pikinini blong hem ya Elifas wea Ada hemi bonem, hemi garem faefala pikinini boe. Nem blong olketa nao Teman, an Omara, an Sefo, an Gatam, an Kenas. Elifas hemi garem wanfala slev woman wea nem blong hem nao Timna, an hemi narafala waef blong hem tu ya, Woman ya hemi bonem wanfala pikinini boe, wea nem blong hem nao Amalek. Pikinini blong Iso ya Rehuel, wea Basemat hemi bonem, hemi garem fofala pikinini boe, wea nem blong olketa nao Nahat, an Sera, an Sama, an Misa.

Jenesis 36:2

Iso hemi maritim tufala woman long Kenan, wea nem blong tufala nao Ada, an Oholibama. Ada ya, dadi blong hem nao Elon, man long laen blong Het, an Oholibama ya, dadi blong hem nao Ana, an hemi smolfala grani blong Sibeon, hu hemi man long laen blong Hivi.

Jenesis 36:4

An olketa pikinini blong Iso ya, nem blong olketa nao, Elifas, wea mami blong hem nao Ada, an Jehus, an Jalam, an Kora, wea mami blong trifala nao Oholibama, an Rehuel wea mami blong hem nao Basemat. Hem nao olketa pikinini blong Iso wea i bon long kantri ya olketa kolem Kenan.