Jenesis 3:7 - Pijin Bible

⁷ Seknomoa, ae blong tufala i open nao, an tufala luksave dat tufala neket nomoa. Nao tufala somap lif blong fig tri, mekem tufala kavaremap tufala seleva long hem.

Pijin Deuterocanon

⁷ Seknomoa, ae blong tufala i open nao, an tufala luksave dat tufala neket nomoa. Nao tufala somap lif blong fig tri, mekem tufala kavaremap tufala seleva long hem.

Jenesis 3:7 Iomraidhean Croise

Jenesis 2:25

Nao man ya wetem waef blong hem, tufala neket nomoa ya, bat tufala no filsem long tufala seleva.

Jenesis 3:5

Hemi talem olsem bikos hemi save finis sapos yutufala kaikaim frut ya, bae ae blong yutufala i open nao, an bae yutufala kamap olsem hem, wea bae yutufala save long olketa wei wea i nogud an olketa wei wea i gud.”

2 Kings 6:20

Taem olketa go insaet long biktaon ya, hemi prea moa olsem, “Lod Yawe, yu openem ae blong olketa.” So hemi openem ae blong olketa, an olketa save lukluk. Bat wea, olketa stap finis long Samaria.

Aesaea 28:20

Bae yufala olsem man wea hemi trae fo slip long bed wea hemi sotfala tumas, o trae fo kava long blangket wea hemi smolfala tumas.

Aesaea 47:3

Bae olketa pipol save lukim dat yu neket nao, an wea yu sem fogud. !O Babilon! Bae mi sensimbaek long yu evri ravis samting wea yu bin duim an no eniwan save stopem mi.”

Lamentesin 1:8

Jerusalem hemi olsem woman wea hemi sin tumas, so hemi barava no klin long ae blong God. Hemi stap neket nomoa, an pipol i barava tingdaonem hem nao. Hemi haedem fes blong hem, an sore an krae, bikos hemi barava sem fogud.

Gudnius abaotem Jisas Kraes wea Luk hemi raetem 16:23

Nao ris man ya hemi barava safa tumas wea hemi stap long ples blong olketa man wea i dae finis. An taem hemi luk goap, hemi lukim Ebraham wea hemi stap farawe tumas, an hemi lukim Lasaros tu hemi stap long saet long hem.

1 Korin 12:23

An olketa haf long bodi blong yumi wea yumi tingse olketa no bikfala samting tumas, olketa nao yumi lukaotem gud moa. An olketa haf wea yumi filsem long olketa, olketa nao yumi kavaremap olketa gudfala.

Diutronomi 28:34

Olketa ravis samting wea yufala lukim, bae hemi mekem tingting blong yufala i krangge nogud.

Jajis 3:2

Hemi duim olsem nomoa, mekem hemi lanem pipol blong Israel hu i no bin faet bifoa fo savegud hao fo faet.