Jenesis 3:14 - Pijin Bible

¹⁴ Nao Yawe God hemi tok olsem long snek ya, “Bikos yu duim disfala samting ya, bae trabol hemi kasem yu. Long evri animol, yu nomoa bae yu garem disfala trabol ya. Hemi stat distaem, bae yu gohed fo krol long bele blong yu, an bae yu gohed fo kaikai long dast blong graon oltaem nomoa, go-go laef blong yu hemi finis.

Pijin Deuterocanon

¹⁴ Nao Yawe God hemi tok olsem long snek ya, “Bikos yu duim disfala samting ya, bae trabol hemi kasem yu. Long evri animol, yu nomoa bae yu garem disfala trabol ya. Hemi stat distaem, bae yu gohed fo krol long bele blong yu, an bae yu gohed fo kaikai long dast blong graon oltaem nomoa, go-go laef blong yu hemi finis.

Jenesis 3:14 Iomraidhean Croise

Jenesis 3:1

Nao long evrisamting wea Yawe God hemi mekem, snek nao hemi wanfala long olketa wea hemi kleva tumas fo mekem trik. Nao wanfala de, snek ya hemi kam an hemi askem woman ya olsem, “?Waswe. Hemi tru wea God hemi bin talem yutufala fo no kaikaim frut blong evri tri long gaden ya?”

Jenesis 4:11

!Taem yu kilim dae brata blong yu ya, blad blong hem hemi ran go daon long graon an graon ya hemi open fo tekem blad blong hem, an from samting ya, bae trabol hemi mas kasem yu. Taem yu wakem gaden blong yu bae hemi no save garem kaikai. Distaem, yu no garem eni ples moa long disfala wol ya, oltaem long laef blong yu, bae yu mas gohed fo wakabaot olobaot nomoa.”

Jenesis 9:6

Man wea i kilim dae narafala man, bae olketa mas kilim hem dae tu, bikos mi mekem man fo hemi olsem mi seleva.

Sams 72:9

Hemi gud tumas sapos olketa enemi blong hem i baodaon long hem. An hemi gud tumas sapos hemi daonem olketa finis long graon.

Aesaea 29:4

Bae taon ya hemi kamap nogud tumas olsem wanfala man hu hemi dae finis, an hemi trae fo toktok kam from andanit long graon.

Aesaea 65:25

Ya, long datfala taem, bae olketa wael dog wetem olketa smolfala sipsip save kaikai tugeta nomoa, an olketa laeon bae i save kaikaim nomoa gras olsem olketa buluka. Bat olketa poesen snek bae i gohed fo kaikaim nomoa dast long graon. Ya, antap long Tambu Maonten blong mi ya long Saeon, no eni nogud samting o enisamting wea hemi save spoelem man bae hemi stap moa long hem.” Hem nao toktok blong Yawe.

Levitikas 20:25

So yufala mas divaedem olketa animol an bed wea i klin long ae blong mi, from olketa wea i no klin long ae blong mi. Yufala mas no mekem yufala fo kamap no klin long ae blong mi long enisamting wea hemi tambu fo yufala kaikaim olsem olketa kaen animol an olketa kaen bed an olketa narafala smol samting wea i no klin long ae blong mi.

Maeka 7:17

Bae olketa krol long graon olsem snek. An taem olketa kamaot from olketa strongfala sefples blong olketa fo haed, bae olketa fraet an seksek fogud. An bikos olketa fraet olsem, bae olketa sensim tingting blong olketa fo tinghae long yu Yawe God blong mifala.