Jenesis 28:1 - Pijin Bible

^1-3 Aesak hemi kolem Jekob fo kam lukim hem, an hemi tokstrong olsem long hem, “Yu mas no maritim eni gele long hia long Kenan. Yu mas gobaek long kantri ya wea olketa kolem Mesopotemia, long ples blong grani blong yu ya, Betuel. Laban hu hemi brata blong mami blong yu, hemi stap long ples ya. Hemi gud fo yu maritim wanfala long olketa dota blong hem.” Hemi blesim hem, an hemi sei, “Letem God hu hemi garem olketa paoa, hemi blesim yu, givim yu plande pikinini, an olketa laen blong olketa pikinini wea bae i bon kam long laen blong yu, bae olketa kamap plande tumas.

Pijin Deuterocanon

^1-3 Aesak hemi kolem Jekob fo kam lukim hem, an hemi tokstrong olsem long hem, “Yu mas no maritim eni gele long hia long Kenan. Yu mas gobaek long kantri ya wea olketa kolem Mesopotemia, long ples blong grani blong yu ya, Betuel. Laban hu hemi brata blong mami blong yu, hemi stap long ples ya. Hemi gud fo yu maritim wanfala long olketa dota blong hem.” Hemi blesim hem, an hemi sei, “Letem God hu hemi garem olketa paoa, hemi blesim yu, givim yu plande pikinini, an olketa laen blong olketa pikinini wea bae i bon kam long laen blong yu, bae olketa kamap plande tumas.

Jenesis 28:1 Iomraidhean Croise

Jenesis 24:37

Nao hemi talem wanfala toktok long mi, an hemi mekem mi promis long wanfala strongfala wei wea bae mi duim olsem wea hemi bin talem. Hemi tok olsem, ‘Bae yu no siusim wanfala gele long hia long Kenan fo san blong mi hemi maritim.

Jenesis 27:4

Yu kukim olsem wea mi laekem, wea hemi barava test gud, nao yu tekem kam long mi. An bihaen, taem mi kaikai finis, bae mi blesim yu bifoa mi dae.”

Jenesis 27:46

Bihaen, Ribeka hemi tok olsem long Aesak, “Mi barava les nao long tufala woman ya long laen blong Het wea Iso hemi maritim ya. !Sapos Jekob hemi maritim moa wanfala gele long laen blong Het, ating hemi moabeta fo mi dae nomoa!”

Jenesis 28:6

Iso hemi herem finis wea Aesak hemi givim finis blesing long Jekob, an hemi sendem hem go long Mesopotemia fo faendem wanfala gele fo hemi maritim. Hemi herem finis tu, taem dadi blong tufala i blesim Jekob, hemi stopem hem fo no maritim eni gele long Kenan.

Jenesis 34:16

Sapos yufala duim olsem, bae olketa boe blong yufala save maritim olketa gele blong mifala, an bae olketa boe blong mifala save maritim olketa gele blong yufala. Nao bae yumi save kamap olsem olketa pipol blong wanfala laen nomoa.

Jenesis 34:9

Hemi gud fo yumi putum wanfala toktok wea olketa boe blong yufala bae save maritim olketa gele blong mifala, an olketa boe blong mifala bae save maritim olketa gele blong yufala.

Jenesis 38:2

Long ples ya, Jiuda hemi lukim dota blong Sua wanfala man long Kenan, an hemi maritim hem nao.

Jenesis 48:15

Nao hemi blesim Josef long nem blong God blong hem, wea i God blong Ebraham an Aesak. Hemi tok olsem, “God blong grani blong mi, hemi God blong dadi blong mi, an hemi God blong mi. Oltaem hemi gohed fo lidim mi, ka-kam kasem tude,

Jenesis 49:28

Olketa ya nao tuelfala brata ya wea olketa grandadi blong olketa tuelfala traeb blong Israel ya, wea fastaem, nem blong hem Jekob. An hem nao evri toktok wea olo ya hemi givim long olketa pikinini blong hem ya wea i talemaot las toktok blong hem, an hemi givim blesing blong hem long olketa evriwan wea i fitim olketa evriwan nao.

Jenesis 6:2

An taem olketa gele ya olketa gohed fo kamap bikfala, olketa enjel olketa lukim dat olketa i naesbola tumas, nao olketa gohed fo slip tugeta wetem eni gele nomoa olsem wea olketa wande fo maritim.

Jeremaea 29:6

Yufala mas gohed fo marit, mekem yufala garem plande pikinini blong yufala. An yufala mas faendem gele fo olketa san blong yufala an givim dota blong yufala fo maritim, mekem olketa tu garem plande pikinini blong olketa. Namba blong yufala i mas no godaon, yufala mas kamap plande.

Diutronomi 33:1

Mosis, hemi man blong God, an kolsap long taem wea hemi dae, hemi talemaot wanfala blesing long pipol blong Israel. Toktok wea hemi talemaot hemi olsem,