Jenesis 27:32 - Pijin Bible

³² Bat dadi blong hem hemi askem olsem, “!Ei! ?Yu hu ya?” Nao hemi tok olsem, “Mi Iso ya, mi fasbon pikinini blong yu.”

Pijin Deuterocanon

³² Bat dadi blong hem hemi askem olsem, “!Ei! ?Yu hu ya?” Nao hemi tok olsem, “Mi Iso ya, mi fasbon pikinini blong yu.”

Jenesis 27:32 Iomraidhean Croise

Jenesis 25:33

Bat Jekob hemi tok olsem, “Oraet, bat fastaem yu mas mekem wanfala strongfala promis an sei olketa raet wea yu garem distaem, bae mi nao mi tekova moa long hem.” Nao Iso hemi mekem wanfala strongfala promis long Jekob an hemi sei Jekob nomoa bae hemi save tekova long olketa samting ya wea fasbon nomoa hemi save tekova from dadi.

Jenesis 25:34

Nao Jekob hemi tekem kam supsup ya wetem bred an hemi givim go long hem. Taem hemi kaikai finis nomoa, hemi stanap an hemi go nao. Samting ya hemi barava somaot nao dat Iso hemi nating tinghevi nomoa long olketa samting ya wea hem nomoa hemi garem raet fo tekova from dadi bikos hem nao fasbon.

Jenesis 27:18

Nao Jekob hemi karim go long dadi blong hem, an hemi tok olsem, “Dadi.” Nao dadi blong hem hemi tok olsem, “Ya. ?Yu hu ya?”