Jenesis 26:8 - Pijin Bible

⁸ Tufala i stap longtaem lelebet long ples ya, nao wanfala de, taem king hemi stap long haos blong hem, hemi luktru go long windo, an hemi lukim dat Aesak hemi gohed fo holem kam waef blong hem kolsap long hem.

Pijin Deuterocanon

⁸ Tufala i stap longtaem lelebet long ples ya, nao wanfala de, taem king hemi stap long haos blong hem, hemi luktru go long windo, an hemi lukim dat Aesak hemi gohed fo holem kam waef blong hem kolsap long hem.

Jenesis 26:8 Iomraidhean Croise

Jenesis 26:7

Nao taem olketa man long ples ya olketa lukim Ribeka, olketa askem Aesak olsem, “?Waswe, woman ya hemi waef blong yu?” Nao hemi tok olsem long olketa, “Nomoa, hemi sista blong mi ya.” Hemi haedem olsem, bikos woman ya hemi barava naesbola tumas, nao hemi fraet nogud olketa man long ples ya olketa kilim hem dae an tekem waef blong hem ya.

Jenesis 26:9

So hemi kolem Aesak fo kam long hem, an hemi tok olsem long hem, “!Ei! ?Waswe nao yu gohed fo talem dat woman ya hemi wanfala sista blong yu? !Hem nao waef blong yu nomoa ya!” Nao Aesak hemi tok olsem, “Mi fraet tumas ya, nogud mi talem dat hemi waef blong mi, maet olketa man blong ples ya bae olketa kilim mi dae.”

Provebs 7:6

Taem mi stap long haos blong mi, mi luktru go long windo.

Eklesiastes 9:9

Nomata laef blong yu hemi no fitim tingting blong yu, God hemi givim hem long yu. So evri de, yu mas hapi long disfala laef wetem waef blong yu wea yu lavem tumas. Hem nao wanem yu mas duim long disfala laef wea hemi no fitim tingting blong yu, an long olketa hadwaka blong yu long disfala wol.

Nambawan Singsing 2:9

Daling blong mi ya hemi luknaes tumas olsem wanfala gasele, an hemi save ran kuiktaem tumas olsem wanfala yangfala dia. !Lukim! Hemi gohed fo stanap saet long wol aotsaet long haos, an hemi gohed fo luktru kam long windo, an long olketa hol long woling blong haos ya,

Aesaea 62:5

Bae yufala tekem lan blong yufala, olsem wanfala yang boe hemi tekem wanfala yang gele fo kamap waef blong hem. An long sem wei tu, bae God hemi hapi tumas long yufala.

Jajis 5:28

“Mami blong Sisera hemi gohed fo luk goaot long windo. Ya, hemi gohed fo weit fo hemi kambaek. Hemi gohed fo ask olsem, ‘?Waswe nao pikinini blong mi hemi no kambaek kuiktaem? ?Waswe nao kaat fo faet blong hem hemi slou tumas fo kambaek?’