Jenesis 26:29 - Pijin Bible

²⁹ bae yu no spoelem mifala, olsem bifoa ya, an mifala no spoelem yu nomoa. Bifoa ya, mifala gud nomoa long yu, an mifala letem yu goaot long ples blong mifala, an mifala no spoelem yufala nomoa. An distaem, hemi barava klia nao wea Yawe hemi gohed fo blesim yu.”

Pijin Deuterocanon

²⁹ bae yu no spoelem mifala, olsem bifoa ya, an mifala no spoelem yu nomoa. Bifoa ya, mifala gud nomoa long yu, an mifala letem yu goaot long ples blong mifala, an mifala no spoelem yufala nomoa. An distaem, hemi barava klia nao wea Yawe hemi gohed fo blesim yu.”

Jenesis 26:29 Iomraidhean Croise

Jenesis 12:2

Bae mi mekem fo yu garem plande pikinini, bae olketa long laen blong yu i kamap plande fogud. Bae olketa kamap wanfala strongfala laen an bae mi blesim yu. Bae mi mekem nem blong yu hemi kamap bikfala an bae yu kamap olsem wanfala gudfala blesing long evri narafala pipol.

Jenesis 12:3

Olketa wea i mekem gudfala samting fo yu, bae mi mekem gudfala samting fo olketa tu. Bat evriwan wea i mekem samting nogud fo yu, bae mi mekem trabol fo kasem olketa. Bae olketa pipol long olketa narafala kantri long wol i askem mi fo blesim olketa olsem wea mi bin blesim yu.”

Jenesis 21:22

Nao long taem ya, King Abimelek wetem Fikol, bos blong olketa soldia blong hem, tufala kam fo lukim Ebraham. Nao king ya hemi tok olsem long hem, “Mi lukim finis dat God hemi stap wetem yu long evrisamting wea yu duim.

Jenesis 22:17

bae mi barava blesim yu, an olketa wea bae i bon kam long laen blong yu, bae olketa staka fogud. Bae olketa plande tumas olsem olketa sta long skae, an olsem olketa sanbis daon long saet si. An bae olketa gohed fo winim olketa enemi blong olketa.

Jenesis 24:31

hemi tok olsem long hem, “Yu kam. Yumi go long haos. Yu wanfala man wea Yawe hemi blesim. Hemi nogud fo yu gohed fo stanap nomoa olsem long ples ya. Mi garem ples wea hemi redi finis fo yu long haos blong mifala, an ples fo olketa kamel blong yu hemi stap long hem tu.”

Sams 115:15

Hemi gud tumas sapos Yawe hu hemi mekem heven an disfala wol ya, hemi blesim yufala.