Jenesis 26:22 - Pijin Bible

²² Oraet, hemi muvum ples blong hem lelebet moa from ples ya, nao olketa wakaman blong hem olketa digim narafala wel moa, an long taem ya, olketa no raoa moa nao. So hemi kolem wel ya “Rehobot” o “Bikfala ples.” An hemi tok olsem, “Distaem Yawe hemi givim bikfala ples ya long yumi, an bae olketa waka blong yumi long ples ya hemi save gohed gud.”

Pijin Deuterocanon

²² Oraet, hemi muvum ples blong hem lelebet moa from ples ya, nao olketa wakaman blong hem olketa digim narafala wel moa, an long taem ya, olketa no raoa moa nao. So hemi kolem wel ya “Rehobot” o “Bikfala ples.” An hemi tok olsem, “Distaem Yawe hemi givim bikfala ples ya long yumi, an bae olketa waka blong yumi long ples ya hemi save gohed gud.”

Jenesis 26:22 Iomraidhean Croise

Jenesis 17:6

Bae mi mekem fo yu garem plande pikinini fogud wea bae olketa bon kam long laen blong yu, an samfala long olketa bae kamap king long olketa ples blong olketa. Bae olketa kamap plande tumas, nao bae olketa onam graon long plande ples.

Jenesis 26:21

Taem olketa man blong hem ya olketa digim narafala wel moa, bat olketa raoa long hem tu. So hemi kolem wel ya “Sitna” o “Faet.”

Jenesis 41:52

An bihaen, taem mektu pikinini blong hem hemi bon, hemi tok olsem, “God hemi givim olketa pikinini ya long mi, long kantri wea olketa trabol i kasem mi.” An hemi kolem mektu pikinini ya Efrem.

Sams 118:5

Taem mi stap long trabol, mi kol go long hem, nao hemi herem kol blong mi an hemi mekem mi fri from olketa trabol ya.

Sams 119:32

Mi laekem tumas fo falom olketa strongfala toktok blong yu, bikos yu nao bae yu helpem mi fo save gudfala moa long olketa.

Sams 18:19

Hemi helpem mi from trabol an hemi sevem mi, bikos hemi lavem mi.

Sams 4:1

God, oltaem yu gohed fo saet wetem mi, so plis yu ansarem prea blong mi. Taem wea mi stap long trabol, yu bin gohed fo helpem mi. Nao plis yu kaen long mi, an herem kam prea blong mi.

Eksodas 1:7

Nomata olsem, olketa grani blong olketa wetem olketa hu i bon kam bihaen, olketa garem plande pikinini, wea namba blong olketa hemi kamap plande tumas, an olketa kamap strong fogud mekem olketa fulumapem lan ya.

Aesaea 54:2

“Yufala mas mekem haostent blong yufala fo kamap bikfala moa. An yufala mas mekem olketa rop blong hem fo longfala moa, an hamarem daon olketa stik fo holemtaet olketa rop ya, mekem hemi strong moa.

Aesaea 54:3

Bae yufala mas muvum olketa spialaen raonem graon blong yufala fo go aotsaet moa. Olketa pipol blong yufala bae i tekembaek olketa graon ya wea olketa narafala kantri i tekova long hem distaem. Olketa emti taon wea olketa pipol bin lusim, bae olketa pipol blong yufala i fulap moa long olketa.