Jenesis 24:2 - Pijin Bible

^2-4 Nao hemi kolem wanfala long olketa wakaman blong hem hu hemi olo moa winim olketa narafala wakaman blong hem, an hu hemi bos long olketa samting blong hem, nao hemi tok olsem long hem, “Mi laekem yu fo go an lukaotem kam wanfala gele fo maritim san blong mi Aesak. Yu putum han blong yu andanit long lek blong mi an yu mekem promis. Yawe hemi God long heven an long wol, an mi laekem yu fo talem nem blong hem, an yu mas promisim bae yu no siusim wanfala gele long hia long Kenan, mekem san blong mi ya hemi maritim. Yu mas promisim bae yu gobaek long kantri wea mi bon kam long hem ya, an bae yu go lukim olketa long laen blong mi wea olketa stap yet long ples ya. Yu mas siusim dota blong wanfala long olketa, mekem san blong mi ya hemi maritim.”

Pijin Deuterocanon

^2-4 Nao hemi kolem wanfala long olketa wakaman blong hem hu hemi olo moa winim olketa narafala wakaman blong hem, an hu hemi bos long olketa samting blong hem, nao hemi tok olsem long hem, “Mi laekem yu fo go an lukaotem kam wanfala gele fo maritim san blong mi Aesak. Yu putum han blong yu andanit long lek blong mi an yu mekem promis. Yawe hemi God long heven an long wol, an mi laekem yu fo talem nem blong hem, an yu mas promisim bae yu no siusim wanfala gele long hia long Kenan, mekem san blong mi ya hemi maritim. Yu mas promisim bae yu gobaek long kantri wea mi bon kam long hem ya, an bae yu go lukim olketa long laen blong mi wea olketa stap yet long ples ya. Yu mas siusim dota blong wanfala long olketa, mekem san blong mi ya hemi maritim.”

Jenesis 24:2 Iomraidhean Croise

Jenesis 15:2

Bat Ebram hemi tok olsem, “?Yawe God, waswe nao yu wande givim gudfala samting long mi? Mi no garem eni pikinini wea bae hemi tekova long evrisamting wea mi onam, slev man ya, Eliesa blong Damaskas nomoa, bae hemi tekova long mi taem mi dae.

Jenesis 24:34

Nao man ya hemi tok olsem, “Mi wanfala wakaman nomoa ya, an masta blong mi nao Ebraham.

Jenesis 24:37

Nao hemi talem wanfala toktok long mi, an hemi mekem mi promis long wanfala strongfala wei wea bae mi duim olsem wea hemi bin talem. Hemi tok olsem, ‘Bae yu no siusim wanfala gele long hia long Kenan fo san blong mi hemi maritim.

Jenesis 44:1

Nao Josef hemi tok olsem long slev blong hem ya wea i bos long olketa samting insaet long haos blong hem, “Yu fulumap kaikai long olketa baeg blong olketa man ya, go-go olketa fulap gudfala. An putum seleni blong olketa ya gobaek insaet long evri baeg blong olketa moa wetem olketa kaikai ya.

Jenesis 47:29

An taem hemi save dat hemi kolsap taem blong hem fo dae, hemi kolem pikinini blong hem ya Josef fo kam an lukim hem. Nao hemi tok olsem long hem, “Yu kam. Sapos yu barava lavem mi, yu putum kam han blong yu andanit long lek blong mi, an yu mekem promis long mi, sei bae yu no berem mi long hia long Ijip.

Jenesis 47:31

Bat hemi tok olsem moa, “Yu mas mekem promis long nem blong God wea bae yu duim olsem.” Nao Josef hemi promisim hem sei, bae hemi duim diswan. An long taem ya, dadi blong hem hemi baodaon long bed blong hem, an hemi gohed fo talem tengkiu long God.

2 Samuel 12:17

Olketa bikman long haos blong hem i trae mekem hem getap, bat hemi les, an hemi no kaikai wetem olketa tu.

1 Kings 16:9

Simri hemi wanfala komanda long haf long olketa kaat fo faet blong King Ela. Nao Simri hemi mekem plan fo kilim dae king ya. Wanfala de, king ya hemi stap long Tiasa, an hemi gohed fo dring long haos blong Arasa hu hemi bos long bikfala haos blong king.

1 Timoti 5:17

Hemi fitim fo yufala mekhae long olketa lida hu i lukaftarem sios gudfala an givim gudfala wejis long olketa tu, olsem olketa hu i save gohed fo wakahad fo talemaot Gudnius an tisim olketa toktok blong God.

Stori abaotem Rut 2:6

An bos ya hemi tok olsem, “Hemi woman blong Moab ya hu hemi kam wetem Neomi.