Jenesis 23:18 - Pijin Bible

¹⁸ an olketa laen blong Het wea olketa stap long miting ya olketa savegud dat long taem ya, graon ya hemi kamap graon blong Ebraham nao.

Pijin Deuterocanon

¹⁸ an olketa laen blong Het wea olketa stap long miting ya olketa savegud dat long taem ya, graon ya hemi kamap graon blong Ebraham nao.

Jenesis 23:18 Iomraidhean Croise

Jenesis 10:15

An tufala pikinini boe blong Kenan, nem blong tufala nao hemi, Saedon wea hemi fasbon blong hem, an Het. An olketa laen wea i kamaot bihaen long tufala ya olketa garem nem blong tufala.

Jenesis 23:10

Nao olketa ya long laen blong Het i gohed fo sidaon nomoa long doa blong bikfala wolston long taon ya, wea hem nao hemi barava ples long kastom blong olketa fo tokabaotem olketa bisnis olsem. An long taem ya, Efron tu hemi sidaon wetem olketa. Nao long ae blong olketa, hemi tok olsem,

Jenesis 23:19

Nao bihaen, Ebraham hemi go an berem waef blong hem Sera long kev ya long Makpela wea hemi stap kolsap long Mamre, long Kenan.

Jenesis 25:9

Nao tufala pikinini blong hem ya, Aesak an Ismael, tufala berem hem long kev ya wea nem blong hem nao Makpela, wea i stap long wanfala pisgraon long ist saet long Mamre. Disfala pisgraon ya, fastaem hemi blong Efron wanfala man long laen blong Het, an nem blong dadi blong hem nao Soha.

Jenesis 34:20

Nao tufala go sidaon long doa blong bikfala wolston long taon ya, wea hem nao barava ples long kastom blong olketa fo tokabaotem olketa bisnis blong olketa long hem. Nao dadi blong boe ya hemi tok olsem long olketa man blong ples ya,

Jenesis 34:24

Nao olketa man blong taon ya i agri nao long toktok blong tufala ya. So evri man long ples ya i kate nao.

Jeremaea 32:12

an mi givim go long Baruk, san blong Neraea hu hemi san blong Maasea. Kasin blong mi Hanamel, an olketa witnes ya hu i saenem pepa ya, an olketa narafala pipol blong Jiuda hu i gohed fo sidaon long ples ya long haos blong king, olketa evriwan i lukim dat mi givim tufala pepa ya long hem.

Stori abaotem Rut 4:1

Boas hemi go long bikfala doa long wolston blong taon ya, ples wea olketa man save mekem miting long hem, an hemi sidaon weit. No longtaem nomoa man ya long famili blong Elimelek hu hemi kolsap moa long Elimelek winim hem, olsem wea hemi bin talem finis long Rut, hemi gopas. Nao Boas hemi tok olsem long man ya, “Ei, brata. Yu kam fastaem an sidaon long hia.” So man ya hemi kam an hemi sidaon wetem hem.