Jenesis 23:16 - Pijin Bible

¹⁶ Ebraham hemi agri fo peim praes ya wea man ya hemi talemaot long ae blong olketa pipol blong ples ya. Nao long ae blong olketa pipol ya, hemi skelem olketa silva seleni blong hem fo kasem barava praes ya, olsem wea olketa bisnisman save duim olowe long taem ya.

Pijin Deuterocanon

¹⁶ Ebraham hemi agri fo peim praes ya wea man ya hemi talemaot long ae blong olketa pipol blong ples ya. Nao long ae blong olketa pipol ya, hemi skelem olketa silva seleni blong hem fo kasem barava praes ya, olsem wea olketa bisnisman save duim olowe long taem ya.

Jenesis 23:16 Iomraidhean Croise

Jenesis 23:15

“Bos, praes blong graon ya hemi 400 silva seleni nomoa. Bat hemi samting nating nomoa ya long yumitufala. Yu gohed, an berem waef blong yu long hem.”

Jenesis 43:21

An taem mifala gobaek, mifala stop long rod fo slip long naet, nao mifala openem olketa baeg blong mifala, an mifala evriwan i lukim dat olketa seleni blong mifala i stap wetem kaikai, insaet long olketa baeg blong mifala ya. Mifala no save olsem hu nao hemi putum olketa seleni ya gobaek long olketa baeg blong mifala. Evri seleni ya hemi stap nomoa, hem nao mifala tekem kambaek fo givim gobaek long yu. An mifala tekem kam narafala seleni moa fo peim kaikai long disfala ka-kam blong mifala ya.”

Jenesis 49:29

Nao Jekob hemi tokstrong long olketa olsem, “Mi kolsap dae nao. Bat yufala mas berem mi long kev ya wea olketa bin berem olketa olo blong mi bifoa ya. Bae yufala mas karim bodi blong mi gobaek long Kenan, long ples ya wea olketa kolem Makpela, long saet long Mamre long ist. Graon ya fastaem hemi blong wanfala man wea i laen blong Het, wea nem blong hem nao Efron, an hemi garem wanfala kev insaet long ston. Pis graon ya, grani blong mi hemi peimaot, fo hemi kamap beregraon.

Jenesis 50:13

Olketa karim bodi blong hem gobaek long Kenan, long Makpela, long narasaet long Mamre long ist, an olketa berem hem long kev ya blong ston, long pis graon ya wea fastaem hemi blong Efron man ya long laen blong Het, bat Ebraham hemi peimaot long hem, nao hemi kamap beregraon blong olketa.

2 Samuel 14:26

Hea blong hem hemi longfala tumas, an hemi save katem wantaem nomoa long wan yia. Taem hea blong hem hemi grou longfala tumas, hemi katem, an oltaem hemi gohed fo skelem hevi blong hem. An hevi blong hem hemi winim tufala kilo long stretfala skel wea olketa yusim long datfala taem.

2 Samuel 24:24

Bat king hemi tok olsem, “Nomoa, mi mas peimaot. Mi no save mekem sakrifaes go long Yawe long enisamting wea mi tekem nating.” So hemi peim ples fo klinim wit, an tufala buluka ya, long fifti silva seleni.

Stori abaotem Job 28:15

No eniwan save peim silva o gol fo kasem waes tingting.

Eksodas 30:13

Evriwan wea yu kaontem, hemi mas givim kam wanfala silva seleni wea hevi blong hem hemi haf long wanfala sekel wea olketa skelem long spesol skel blong prist. Disfala silva seleni nao hemi wanfala ofaring long mi Yawe.

Jeremaea 32:10

Mi saenem wanfala pepa wea hemi garem agrimen long hem, an mi tekem kam samfala man fo witnes long mi. Nao mi rolemap pepa ya, an mi fasenem strong long waks blong kandol, an putum spesol mak blong mi long waks ya. Den mi skelem moa disfala silva seleni.

Jeremaea 32:9

so mi peimaot disfala pisgraon long hem. Mi skelem seventin silva seleni wea hemi praes blong pisgraon ya, an mi peim long hem.

Sekaraea 11:12

An mi tok olsem long olketa, ?Sapos yufala laek fo peim wejis blong mi long mi, yufala peim nao. Bat sapos nomoa, yufala kipim.? Den olketa skelem teti silva seleni an givim long mi fo peim mi.

Matiu 7:12

“Wanem yufala laekem olketa nara pipol fo duim long yufala, hem tu yufala mas duim long olketa. Diswan nao hemi mining blong Lo blong Mosis an tising blong olketa profet.

Aposol 7:16

olketa tekem olketa kambaek an berem olketa long Sekem. Hemi long disfala grev wea Ebraham hemi bin baem long pikinini blong Hemo fo samfala seleni.

Leta wea Pol hemi raetem go long sios long Rom 13:8

Yufala mas no kaonem enisamting long eni man. Kaon wea yufala mas garem nomoa, hemi wea yufala mas lavem yufala evriwan. Bikos eniwan hu hemi lavem olketa pipol, hemi barava falom Lo.

Filipae 4:8

Olketa fren, mi laek fo talem wanfala samting moa. Yufala mas tingabaotem nomoa olketa gudfala wei wea pipol i tinghae long hem. Olketa gudfala wei olsem: wanem hemi tru, an wanem hemi fitim fo tinghae long hem, an wanem hemi stret, an wanem hemi klin gudfala, an wanem hemi somaot tru lav, an wanem hemi stret fo laekem, an wanem hemi barava nambawan tumas, an wanem hemi fitim fo tokhae long hem.

1 Tesalonaeka 4:6

Yufala mas no duim eni ravis samting agensim nara Kristin fren blong yufala, an yufala mas no laea long hem long olketa wei olsem. Mifala talem yufala finis an mifala wonem yufala, Masta blong yumi bae hemi panisim olketa pipol hu i duim olsem.