Jenesis 21:9 - Pijin Bible

⁹ Long taem ya, Sera hemi lukim dat Ismael hemi gohed fo mekfan long Aesak. Ismael ya hemi narafala pikinini blong Ebraham wea Haga, disfala woman blong Ijip, hemi bonem.

Pijin Deuterocanon

⁹ Long taem ya, Sera hemi lukim dat Ismael hemi gohed fo mekfan long Aesak. Ismael ya hemi narafala pikinini blong Ebraham wea Haga, disfala woman blong Ijip, hemi bonem.

Jenesis 21:9 Iomraidhean Croise

Jenesis 16:1

Nao kam kasem taem ya, Sarae hu hemi waef blong Ebram, hemi no garem eni pikinini. Bat hemi garem wanfala slev gele, wea i gele long Ijip, an nem blong hem nao Haga.

Jenesis 16:15

Nao bihaen, Haga hemi bonem wanfala pikinini boe wea dadi blong hem nao Ebram, an Ebram hemi kolem hem Ismael.

Jenesis 17:20

Mi herem finis wanem yu askem fo Ismael. Bae mi blesim hem, an mekem hem fo garem plande pikinini, an plande pikinini moa bae olketa kamaot bihaen long hem. Hem bae hemi dadi long tuelfala bikman, an bae mi mekem olketa wea i kamaot bihaen long hem fo wanfala strongfala laen.

Jenesis 21:8

Nao Aesak hemi gohed fo grou, an long de wea hemi lusim susu, Ebraham hemi mekem wanfala bikfala fist fo makem de ya.

2 Kronikols 30:10

Olketa man i tekem toktok ya go long evri taon blong distrik blong Efrem an blong distrik blong Manase. Olketa go olowe long not long olketa taon blong distrik blong Sebulun. Bat olketa pipol i tokspoelem an mekfan long olketa.

2 Kronikols 36:16

Bat olketa gohed fo mekfan long olketa profet ya, an olketa les long toktok blong olketa. Olketa gohed fo tokspoelem olketa, go-go Yawe hemi kros fogud long olketa, mekem no eni wei fo sevem olketa hemi stap.

Stori abaotem Job 30:1

Bat distaem mi olo nao, an olketa yangfala i mekfan nomoa long mi. Olketa dadi blong olketa i yusles fogud. Olketa ya i nating fit fo helpem olketa dog blong mi fo gadem olketa sipsip.

Sams 22:6

Bat distaem mi no olsem man nao, mi olsem wanfala wom nomoa, wea mi barava luk nogud tumas long ae blong olketa pipol, an olketa no laekem mi tu.

Sams 42:10

Olketa ravis toktok blong olketa hemi spoelem mi tumas nao. Oltaem olketa enemi i tokspoelem mi olsem, “?Wea nao God blong yu ya?”

Provebs 20:11

Yu save, nomata pikinini, wanem hemi duim i somaot wei blong hem. Taem wei blong hemi i gud an stret, bae yu save nomoa.

Provebs 22:10

Ronemaot man hemi laek fo tokspoelem nara man, raoa bae finis, faet bae finis, an toknogud bae finis.

Lamentesin 1:7

Distaem Jerusalem hemi nogud tumas, an olketa pipol i tingabaotem nao gudfala laef long bifoa wea hemi ris fogud. Taem olketa enemi i winim hem, no eniwan hemi stap nao fo helpem hem. Olketa enemi ya i lukim hem, an mekfan long hem bikos hemi lus.

Galesia 4:22

Buktambu hemi talemaot dat Ebraham hemi garem tufala san. Woman hu hemi slev blong hem hemi bonem faswan, an woman hu i fri nomoa hemi bonem narawan.

Galesia 4:29

Long taem ya, disfala pikinini hu hemi bon kam olsem evri pikinini nomoa, hem nao hemi tokspoelem Aesak hu hemi bon kam falom paoa blong Spirit blong God. An distaem ya, semsamting hemi gohed nomoa.

Hibrus 11:36

Samfala moa long olketa ya, olketa enemi blong olketa i mekfan long olketa an wipim olketa. An samfala ya, olketa enemi blong olketa i taengem olketa wetem sen an torowem olketa go insaet long prisin.