Jenesis 21:8 - Pijin Bible

⁸ Nao Aesak hemi gohed fo grou, an long de wea hemi lusim susu, Ebraham hemi mekem wanfala bikfala fist fo makem de ya.

Pijin Deuterocanon

⁸ Nao Aesak hemi gohed fo grou, an long de wea hemi lusim susu, Ebraham hemi mekem wanfala bikfala fist fo makem de ya.

Jenesis 21:8 Iomraidhean Croise

Jenesis 19:3

Bat Lot hemi askem tufala strong moa, go-go tufala agri nao fo go long haos blong hem. So Lot hemi talem long olketa wakaman blong hem fo olketa bekem samfala bred wea hemi no garem yist long hem, an olketa mekredi wanfala gudfala kaikai fo givim long tufala. Taem olketa kaikai ya i tane finis, olketa givim long tufala, an tufala kaikaim nao.

Jenesis 21:7

An hemi tok olsem moa, “Bifoa, no eni man save tok olsem long Ebraham, ‘?Waswe, Sera save susum pikinini yet ya?’ Bat nomata mitufala Ebraham i barava olo fogud, mi bonem nomoa pikinini blong hem.”

Jenesis 21:9

Long taem ya, Sera hemi lukim dat Ismael hemi gohed fo mekfan long Aesak. Ismael ya hemi narafala pikinini blong Ebraham wea Haga, disfala woman blong Ijip, hemi bonem.

Jenesis 26:30

So Aesak hemi mekem wanfala bikfala fist fo trifala ya, an trifala kaikai tugeta wetem hem.

Jenesis 29:22

So Laban hemi mekem wanfala bikfala fist fo marit ya, an hemi kolem kam olketa pipol.

Jenesis 40:20

Long mektri de blong hem long prisin, king ya hemi mekem wanfala fist fo makem taem wea hemi bon. Hemi mekem wanfala bikfala kaikai, an hemi kolem olketa bikman blong hem fo kam. An long ae blong olketa narafala bikman blong hem, hemi aotem kam tufala man blong hem ya moa, wea tufala stap long prisin.

2 Samuel 3:20

Taem Abna wetem tuentifala man i kam lukim Deved long Hebron, Deved hemi mekem wanfala fist fo olketa.

1 Kings 3:15

Taem Solomon hemi wekap, hemi save nao dat Yawe hemi bin toktok long hem long drim ya. Den hemi gobaek long Jerusalem. An hemi go stanap long frant long Tambu Boks blong Spesol Agrimen blong Yawe, an hemi mekem olketa sakrifaes, samfala wea olketa animol i barava bone, an samfala sakrifaes fo somaot dat hemi stapgud wetem God. An hemi mekem wanfala fist fo olketa bikman blong hem.

Esta 1:3

Long mektri yia wea King Sekses hemi rul, hemi mekem wanfala bikfala fist fo evri bikman long gavman blong hem. Olketa minista blong hem wetem olketa narafala bikman long gavman, an olketa sif blong ami blong Pesia an Media wetem evri lida an bikman long olketa provins blong hem nao i kam long fist ya.

Sams 131:2

Distaem mi barava hapi an tingting blong mi hemi kuaet nao, olsem pikinini wea hemi leidaon kuaet nomoa insaet long am blong mami blong hem.

Hosia 1:8

Bihaen, taem Lo-Ruhama hemi lusim susu, Goma hemi kamap babule, an hemi bonem wanfala boe moa.

Jajis 14:10

Oraet, dadi blong hem hemi go fo lukim gele ya. Nao Samson hemi mekem wanfala fist falom kastom blong olketa yangfala man wea bae i marit.

Jajis 14:12

Samson hemi tok olsem long olketa, “Bae mi talem yufala wanfala tokhaed, an yufala mas talem ansa blong hem insaet long sevenfala de blong disfala fist. Sapos yufala talemaot mining blong tokhaed ya, oraet bae mi givim long yufala teti lavalava wea olketa wakem long nambawan waet kaleko an teti spesol kaleko moa.

1 Samuel 1:22

Bat Hana hemi no go wetem olketa. Hemi bin tok olsem long Elkana, “Taem pikinini hemi kamap bikfala lelebet an hemi lusim susu, oraet, bae mi jes tekem hem go long tambuhaos fo givim gobaek long Yawe, mekem hem stap olowe long ples ya.”

1 Samuel 1:24

Taem pikinini ya hemi lusim susu bat hemi smol boe yet, Hana hemi tekem hem go long tambuhaos blong Yawe long Saelo. An hemi tekem wanfala man buluka wea hemi kasem trifala yia, wetem ten kilo flaoa, an wanfala kontena waen.

1 Samuel 25:36

Nao Abigeil hemi gobaek long Nabal. Hemi stap long haos an hemi mekem fist yet. Fist ya hemi barava olsem wanfala fist blong king. Nabal hemi fuldrang, an hemi no wari long enisamting, so Abigeil hemi no talem enisamting long hem long naet ya.