Jenesis 21:25 - Pijin Bible

²⁵ Nao hemi komplen olsem long king ya, “King, olketa wakaman blong yu olketa kam an tekova long wanfala wel wea mifala digim, nao olketa gohed fo stopem olketa man blong mi fo no kasem moa wata long hem.”

Pijin Deuterocanon

²⁵ Nao hemi komplen olsem long king ya, “King, olketa wakaman blong yu olketa kam an tekova long wanfala wel wea mifala digim, nao olketa gohed fo stopem olketa man blong mi fo no kasem moa wata long hem.”

Jenesis 21:25 Iomraidhean Croise

Jenesis 13:7

Nao, olketa wakaman wea i gohed fo lukaftarem olketa animol blong tufala, olketa gohed fo raoa. An long taem ya tu, olketa laen blong Kenan, wetem olketa laen blong Peris olketa stap yet long kantri ya.

Jenesis 21:24

Nao Ebraham hemi tok olsem, “Mi promis long ae blong God, bae mi no save laea long yufala enitaem.”

Jenesis 21:26

Bat king ya hemi sei, “O, sore, mi no save hu nao hemi duim disfala samting ya. An yu no kam talemaot long mi nomoa. Hem nao fastaem blong mi fo herem samting ya.”

Jenesis 29:8

Bat olketa evriwan i tok olsem, “Nomoa, mifala no save duim olsem ya. Mifala gohed fo weitem evri grup long sipsip fo kam tugeta fastaem, nao bae mifala evriwan i save joen tugeta fo rolemaot ston ya. Nao bae mifala save givim wata long olketa.”

Provebs 17:10

Strong toktok save sensim man wea hemi garem gud tingting, bat nomata yu wipim krangge man wan handred taem, hemi no save sens.

Provebs 25:9

Sapos yu raoa wetem wantok, yu no tokabaotem samting wetem nara man.

Provebs 27:5

Moabeta fo talemaot rong blong man, winim yu no somaot lav long hem.

Matiu 18:15

An Jisas hemi sei moa, “Sapos brata blong yu hemi duim enisamting agensim yu, yu mas go lukim hem, mekem yutufala stretem disfala samting long yutufala seleva. Sapos hemi wiling fo herem wanem yu talem, oraet, yu bin helpem brata blong yu fo yutufala stapgud moa ya.

Jajis 1:15

An hemi tok olsem, “Dadi, plis yu sore long mi. Disfala graon long drae eria long saot wea yu bin givim long mitufala ya hemi drae tumas. Mi laekem yu fo givim mitufala eni pisgraon moa wea hemi garem wata long hem.” Dadi blong hem hemi givim graon long tufala wea i garem tufala wel long hem, wanfala hemi stap long antap an narawan long daon.