Jenesis 20:3 - Pijin Bible

³ Nao long wanfala naet, Yawe hemi kam long king ya long wanfala drim, hemi tok olsem long hem, “!Bae yu dae ya! Bikos disfala woman wea yu bin tekem ya, hemi marit woman ya.”

Pijin Deuterocanon

³ Nao long wanfala naet, Yawe hemi kam long king ya long wanfala drim, hemi tok olsem long hem, “!Bae yu dae ya! Bikos disfala woman wea yu bin tekem ya, hemi marit woman ya.”

Jenesis 20:3 Iomraidhean Croise

Jenesis 12:17

Bat bikos king hemi tekem Sarae waef blong Ebram fo stap wetem hem, Yawe hemi gohed fo sendem kam olketa ravis sik fo hemi gohed fo spoelem king ya wetem olketa man blong hem.

Jenesis 12:18

Nao hemi kolem Ebram fo kam long hem, an hemi tok olsem long hem, “?Waswe nao yu duim disfala samting long mi? ?Waswe nao yu no talemaot long mi dat woman ya hemi waef blong yu?

Jenesis 20:7

Bat distaem yu mas sendem hem gobaek long hasban blong hem. Hasban blong hem, hemi wanfala Profet ya, an bae hemi save prea fo yu mekem yu no dae. Bat mi wonem yu, sapos yu no sendem hem gobaek, yu wetem olketa pipol blong yu, bae yufala evriwan mas dae.”

Jenesis 28:12

Jekob hemi garem wanfala drim, hemi lukim wanfala lada hemi stanap, wea botom blong hem hemi stap long graon, bat narafala en blong hem hemi goap kasem heven. An hemi lukim olketa enjel wea olketa gohed fo kamdaon, an olketa gohed fo goap long lada ya.

Jenesis 31:24

Long taem ya, Jekob wetem grup blong hem, olketa mekem finis ples blong olketa antap long wanfala maonten, mekem olketa res long hem fastaem. Nao Laban wetem olketa man blong hem olketa kam mekem ples blong olketa tu long Gilead. Nao long naet ya, God hemi kam long Laban long wanfala drim, an hemi tok olsem long hem, “Yu lukaot. Nogud yu talem eni strongfala toktok long inlo blong yu ya, Jekob.”

Jenesis 37:5

Nao long wanfala naet, hemi drim, an long neks de, hemi talemaot drim ya long olketa brata blong hem. Hemi tok olsem, “Ei, olketa. Yufala herem kam drim blong mi. Las naet mi drim, an mi lukim dat yumi evriwan i stap long wanfala gaden wit, an yumi gohed fo fasim olketa pasel blong wit ya wea hemi garem frut long hem finis. Nao pasel ya wea mi bin fasim hemi stanap stret, bat olketa pasel wea yufala bin fasim, olketa kam an stanap raonem hem, nao olketa bendaon fo mekhae long hem.” Bat taem olketa ya i herem toktok ya, olketa agensim hem moa.

Jenesis 37:9

Nao bihaen hemi lukim narafala drim moa, an hemi go talemaot long olketa olsem, “Mi lukim moa narafala drim, wea san an mun an levenfala sta olketa gohed bendaon fo mekhae long mi.”

Jenesis 40:5

Wanfala naet, taem tufala stap yet long prisin, tufala drim, wea mining blong tufala drim ya hemi narakaen nao.

Jenesis 40:8

An tufala tok olsem, “Yu save, lasnaet, mitufala drim, bat no eni man long ples ya hemi save talemaot mining blong tufala drim ya long mitufala.” Nao hemi tok olsem long tufala ya, “God seleva nomoa hemi garem paoa fo talemaot mining blong drim. Bat yutufala traem fo talem kam tufala drim ya long mi.”

Jenesis 46:2

Long naet ya nomoa, Yawe hemi tok olsem long hem long wanfala spesol drim, “!Jekob! !Jekob!” An hemi ansarem olsem, “Ya. Mi long hia.”

1 Kronikols 16:21

Bat Yawe hemi no letem eniwan fo mekful long olketa. Hemi tokstrong long olketa king bikos hemi gadem olketa pipol blong hem.

Stori abaotem Job 33:15

Taem pipol i slip long naet, God hemi save tok kam long olketa kaen drim.

Stori abaotem Job 33:17

Hemi duim olsem fo mekem pipol no sin, an fo no praod.

Sams 105:14

Bat Yawe hemi no letem eniwan fo mekful long olketa. Hemi tokstrong long olketa king bikos hemi gadem olketa pipol blong hem.

Jona 3:4

Long fas de, taem hemi wakabaot insaet long taon, hemi singaot olsem, “!Bifoa fotifala de hemi finis, yufala mas lusim ravis wei blong yufala, nogud bae God hemi lusim yufala an barava spoelem yufala!”

Nambas 22:9

Long naet, God hemi kam long hem, an askem hem olsem, “?Hu nao olketa man wea i stap wetem yu?”

Matiu 1:20

Taem Josef hemi gohed fo tingting abaotem diswan, hemi drim an hemi lukim wanfala enjel blong God. Nao disfala enjel hemi tok olsem long Josef, “Josef, wea yu bon kam long laen blong King Deved, yu mas no fraet fo gohed fo maritim Meri. Disfala pikinini long bele blong hem ya, paoa blong Holi Spirit nao hemi mekem hem fo garem diswan.

Matiu 27:19

Taem hemi sidaon fo jajem kes ya nomoa, waef blong hem hemi sendem kam wanfala toktok long hem nao, wea hemi sei, “Plis, yu no duim enisamting long stretfala man ya. Lastnaet mi drim abaotem hem, an disfala drim hemi mekem mi filnogud tumas ya.”