Jenesis 20:16 - Pijin Bible

¹⁶ An hemi tok olsem long woman ya, “Distaem, bae mi givim 1,000 silva seleni long brata blong yu, fo kliarem tingting blong eniwan hu maet garem nogud tingting abaotem yu long taem wea yu bin stap go wetem mi. Nao evri pipol bae save dat yu no duim enisamting wea hemi rong.”

Pijin Deuterocanon

¹⁶ An hemi tok olsem long woman ya, “Distaem, bae mi givim 1,000 silva seleni long brata blong yu, fo kliarem tingting blong eniwan hu maet garem nogud tingting abaotem yu long taem wea yu bin stap go wetem mi. Nao evri pipol bae save dat yu no duim enisamting wea hemi rong.”

Jenesis 20:16 Iomraidhean Croise

Jenesis 20:17

Taem king Abimelek hemi tekem go Sera long haos blong hem, Yawe hemi stopem olketa woman long haos ya fo no save babule moa. So from samting ya nao, Ebraham hemi prea fo king ya, an God hemi mekem hem gud moa. An hemi mekem waef blong hem wetem olketa slev woman blong hem tu fo olketa gud moa, so olketa woman ya i save babule moa nao.

Jenesis 20:5

Ebraham hemi gohed fo talem dat woman ya hemi sista blong hem, an woman ya tu hemi gohed fo talem dat Ebraham hemi brata blong hem. Taem mi tekem woman ya, long tingting blong mi, mi save dat mi no duim enisamting rong.”

Jenesis 24:65

an hemi askem wakaman ya blong Ebraham olsem, “?Hu nao nem blong man ya longwe wea hemi gohed fo wakabaot kam?” Nao wakaman ya hemi tok olsem, “Hem nao, san blong masta blong mi.” Nao Ribeka hemi tekem kaleko, an hemi kavaremap fes blong hem long hem.

Jenesis 26:11

So hemi tokstrong long olketa man blong hem olsem, “Sapos eni man hemi duim enisamting nogud long man ya o long waef blong hem, bae hemi mas dae.”

Provebs 12:1

Yu laekem man fo stretem yu, yu nao laekem save. Yu les long man fo stretem yu, yu nao krangge.

Provebs 25:12

Taem waes man tok fo stretem man hu hemi save lisin, hemi olsem naesfala gol ring an sen.

Provebs 27:5

Moabeta fo talemaot rong blong man, winim yu no somaot lav long hem.

Jona 1:6

Taem kapten hemi lukim hem, hemi hatem hem olsem, “!Ei! ?Hao nao yu slip nomoa olsem? !Yu wekap an prea go long god blong yu! Maet hemi save sore long yumi an bae yumi no dae.”

Revelesin 3:19

Olketa pipol wea mi lavem olketa tumas, mi save tokstrong long olketa, an mi save panisim olketa tu. So yufala mas tinghevi long mi an lusim olketa ravis wei blong yufala.