Jenesis 2:5 - Pijin Bible

⁵ Fastaem no enisamting hemi grou long graon, bikos hemi no mekem ren yet, an man hemi no stap yet tu fo mekem gaden.

Pijin Deuterocanon

⁵ Fastaem no enisamting hemi grou long graon, bikos hemi no mekem ren yet, an man hemi no stap yet tu fo mekem gaden.

Jenesis 2:5 Iomraidhean Croise

Jenesis 2:6

Olketa springwata nomoa hemi gohed fo mekem graon hemi tuwet.

Jenesis 3:23

Nao God hemi putumaot man ya from gudfala ples ya long Iden. Fastaem, God hemi bin mekem man ya long graon, nao hemi mekem wea man ya hemi mas gohed fo wakem graon ya moa fo mekem gaden blong hem.

Jenesis 4:2

An bihaen, hemi bonem narafala pikinini boe blong hem moa, an hemi kolem hem Ebol. Nao Ebol hemi kamap man fo lukaftarem sipsip, an Kein hemi kamap man fo wakem gaden.

Stori abaotem Job 5:10

Hemi nao hemi sendem kamdaon ren long graon, an hemi wata long olketa gaden.

Sams 104:14

Yu mekem gras hemi grou fo olketa animol i kaikaim, an yu mekem olketa samting wea pipol i save plantem long gaden. Hem nao mekem olketa pipol i garem kaikai an waen wea olketa dringim fo mekem olketa hapi, an oliv oel fo mekem fes blong olketa lukgud, an bred fo kaikaim mekem olketa strong.

Sams 135:7

Hemi mekem olketa klaod fo kamap long skae, an hemi mekem laetning fo kam wetem saekloun, an hemi mekem win fo blou kam long yumi long saet long not.

Jeremaea 10:12

God hemi mekem disfala wol long paoa blong hem nomoa. Long waes blong hem, hemi putum wol ya fo stap strong, an long save blong hem, hemi putum skae long ples blong hem.

Jeremaea 10:13

Taem hemi toktok, hemi here olsem tanda, an wata long skae hemi mekem bikfala noes. Hemi gohed fo mekem olketa klaod fo kam from narasaet long wol. Hemi mekem laetning fo laet long bikfala ren, an hemi mekem win fo kamaot long ples wea hemi kipim.

Jeremaea 14:22

?Waswe, eniwan long olketa laea god blong pipol blong olketa narafala kantri save sendem kam ren long mifala? ?Waswe, skae seleva nomoa hemi save sendem kam ren long mifala? !Nomoa ya! Yawe, God blong mifala, yu nomoa yu save duim. Hem nao mifala save trastem yu nomoa, bikos yu nomoa yu save mekem evrisamting ya fo hapen.

Matiu 5:45

Sapos yufala duim olsem, bae yufala kamap olketa pikinini blong Dadi blong yufala long heven nao ya. Yufala lukim, God hemi mekem san long skae fo saen antap long olketa gud pipol an long olketa pipol wea olketa garem sin tu. An hemi mekem ren fo kamdaon long olketa stretfala pipol an long olketa wea olketa no stretfala tu.

Hibrus 6:7

Ren hemi save foldaon oltaem long olketa pisgraon. An samfala pisgraon hemi holem ren gudfala, mekem kaikai save grou long hem wea i gudfala fo olketa pipol kaikaim. Diskaen graon ya, bae God hemi blesim.