Jenesis 2:2 - Pijin Bible

² Waka ya blong God hemi finis nao, an long mekseven de hemi res.

Pijin Deuterocanon

² Waka ya blong God hemi finis nao, an long mekseven de hemi res.

Jenesis 2:2 Iomraidhean Croise

Jenesis 2:3

Nao hemi blesim mekseven de ya, an hemi makemaot olsem mekseven de blong wik hemi tambu, bikos fastaem, hemi no waka long de ya, hemi res nao, bikos waka blong hem ya fo mekem evrisamting wea i stap, hemi finis.

Eksodas 23:12

“Oltaem yufala save waka nomoa fo siksfala de, bat long mekseven de, yufala no mas waka. Long disfala wei nao, bae olketa slev blong yufala an olketa strensa wea i gohed fo waka fo yufala i save res. An olketa animol blong yufala tu i save res.

Eksodas 31:15

Yufala garem siksfala de wea yufala save duim waka blong yufala long hem, bat long mekseven de, hemi de fo res, an hemi blong mi Yawe. Eniwan wea hemi duim waka long de ya, yufala mas kilim hem dae.

Eksodas 31:17

Sabat de ya hemi wanfala saen wea bae hemi stap olowe. An saen ya hemi som dat mi Yawe nao bin mekem heven an disfala wol long siksfala de, an long mekseven de, mi res from waka.’ ”

Aesaea 58:13

Yawe hemi tok moa olsem, “Sapos yufala kipim Sabat de holi, an sapos yufala no duim enisamting falom tingting blong yufala seleva long de ya, an sapos yufala hapi tumas fo tinghae long mi long disfala holi de blong mi, an sapos yufala no wakabaot go farawe tumas long de ya, an sapos yufala no duim eni waka blong yufala, an sapos yufala no mekem de ya fo stori olobaot nomoa, bae mi blesim yufala.

Gudnius abaotem Jisas Kraes wea Jon hemi raetem 5:17

Bat Jisas hemi tok olsem long olketa, “Dadi blong mi, oltaem nomoa hemi gohed fo waka, so mi mas gohed fo duim semsamting tu.”

Diutronomi 5:14

bat long mekseven de, hemi Sabat de, an hemi de fo onarem mi Yawe, God blong yufala. Long de ya, bae yufala mas no waka long hem. Yufala, wetem olketa pikinini blong yufala, an olketa slev blong yufala, an olketa animol blong yufala, an olketa strensa hu i stap long ples blong yufala, bae yufala evriwan mas no waka long de ya. Long wei olsem olketa slev blong yufala olketa save res tu olsem yufala nomoa.

Hibrus 4:10

Bikos bae evriwan hu i kasem ples fo res wetem God, bae olketa res from olketa waka blong olketa nao, olsem God tu hemi res from waka blong hem long taem hemi mekem disfala wol ya finis.

Hibrus 4:4

Long wanfala ples insaet long Buktambu, hemi tokabaotem mekseven de olsem, “Waka ya blong God hemi finis nao, an long mekseven de hemi res nao.”