Jenesis 2:18 - Pijin Bible

¹⁸ Nao Yawe God hemi tok olsem, “Hemi nogud wea man ya hemi stap seleva. Hemi moabeta fo mi mekem wanfala fren blong hem wea i fitim hem, mekem hemi helpem hem.”

Pijin Deuterocanon

¹⁸ Nao Yawe God hemi tok olsem, “Hemi nogud wea man ya hemi stap seleva. Hemi moabeta fo mi mekem wanfala fren blong hem wea i fitim hem, mekem hemi helpem hem.”

Jenesis 2:18 Iomraidhean Croise

Jenesis 2:20

Man ya hemi givim nem long olketa animol long vilij wetem evri animol long bus, an long olketa bed tu. Bat hemi no faendem wanfala fren wea hemi barava fitim hem an wea hemi save helpem hem.

Jenesis 3:12

Nao man ya hemi tok olsem, “Ya, bat woman wea yu givim fo stap wetem mi, hemi givim frut blong tri ya long mi, an mi kaikaim nao.”

Provebs 18:22

Taem yu faendem woman fo maritim, yu faendem wanfala gudfala samting ya. Hemi wanfala blesing.

1 Korin 7:36

Nao sapos wanfala boe wetem wanfala gele tufala stap wea olketa mektambu long tufala fo marit, bat tufala sei hemi moabeta sapos tufala i no marit. Bat sapos boe ya hemi tingim moa bihaen wea wanem hemi duim hemi no stret, an hemi laekem tumas fo maritim gele ya, oraet, hemi gud nomoa fo tufala i marit. Diswan hemi no rong ya.

1 Pita 3:7

Yufala olketa marit man, yufala mas tingting gud long waef blong yufala bikos olketa i no strong olsem yufala man. An yufala mas tinghae long olketa bikos God hemi givim laef long olketa olsem hemi givim long yufala. Yufala mas duim diswan, mekem no enisamting save stopem olketa prea blong yufala.

Stori abaotem Rut 3:1

Neomi hemi tok olsem long Rut, “Mi mas faendem wanfala man fo maritim yu, mekem yu save garem ples wea yu save stap gud nomoa.