Jenesis 2:11 - Pijin Bible

¹¹ Mekwan riva, nem blong hem nao Pison, an hemi gohed fo ran go olobaot long kantri ya wea olketa kolem Havila, wea gudfala gol hemi stap long hem.

Pijin Deuterocanon

¹¹ Mekwan riva, nem blong hem nao Pison, an hemi gohed fo ran go olobaot long kantri ya wea olketa kolem Havila, wea gudfala gol hemi stap long hem.

Jenesis 2:11 Iomraidhean Croise

Jenesis 10:29

an Ofia, an Havila, an Jobab. Olketa ya i grandadi blong olketa laen wea i bon kam long laen blong oloman Joktan,

Jenesis 10:7

Olketa laen blong Kus, nem blong olketa nao hemi, Seba, an Havila, an Sabta, an Raama, an Sabteka. An olketa laen blong Raama, hemi Seba an Dedan. An olketa man blong olketa ples wea olketa gohed fo garem olketa nem ya, olketa i laen blong olketa.

Jenesis 2:12

An gol ya hemi klin fogud. Long kantri ya tu olketa gohed fo wakem gudfala insens, an hemi garem staka ston tu wea hemi luknaes tumas.

Jenesis 2:13

An mektu riva, nem blong hem nao Gihon, an hemi gohed fo ran go olobaot long kantri ya wea olketa kolem Kus.

Jenesis 25:18

Olketa laen blong Ismael ya olketa no stap wetem olketa narafala laen blong Ebraham, olketa stap long graon ya long midol long tufala ples ya wea olketa kolem Havila an Sua, long ist saet long Ijip, long rod wea i lusim Ijip fo go long Asiria.

1 Kronikols 1:23

an Ofia, an Havila, an Jobab.

Stori abaotem Job 28:1

Ples fo maenem silva hemi stap, an olketa garem ples fo digimaot gol wea hemi kamap nambawan.

Hosia 11:12

Yawe hemi tok moa olsem, “Mi nao mi God wea mi holi, an oltaem mi tingim tumas olketa pipol blong Israel. Bat taem olketa kam long mi, olketa laea nomoa long mi an wei blong olketa hemi ravis tu. Olketa blong Jiuda i agensim mi finis an nating lusim nomoa disfala ravis wei.

1 Samuel 15:7

Sol wetem ami blong hem i faetem olketa blong Amalek an winim olketa. Faet ya hemi gohed go-go hemi kasem distrik long Havila long ist, an distrik long Sua kolsap long Ijip long west.